ថ្មីៗនេះ មានករណីមួយនៅប្រទេសថៃ ដែលបុរសម្នាក់ភ្លាត់ជើងធ្លាក់ចូលក្នុងអណ្តូងកម្ពស់ ៣ ម៉ែត្របាក់ជើង ចៃដន្យនៅក្នុងអណ្តូងនោះមានពស់វែកមួយក្បាលទៀត។
តាមព័ត៌មានបានឱ្យដឹងថា ហេតុការណ៍មួយនេះ បានកើតឡើងនៅខេត្ត Phichit ដោយបុរសខាងលើនេះ គឺជាបុគ្គលិកផ្នែកអគ្គិសនី ហើយបានភ្លាត់ធ្លាក់ចូលទៅក្នុងអណ្តូងមួយនៅកណ្តាលវាលស្រែ បណ្តាលឱ្យបាក់ឆ្អឹងកែងជើងទាំងសងខាង ហើយអ្វីដែលកាន់តែគួរឱ្យខ្លាចទៀតនោះ គឺនៅក្នុងអណ្តូងនោះ មានពស់វែកមួយក្បាលកំពុងនៅក្នុងនោះទៀត។
យ៉ាងណាមិញ ដំបូងឡើយមានអ្នកស្រុកបានជួយបោះដំបងឱ្យបុរសនេះសម្លាប់ពស់សិន ព្រោះខ្លាចវាចឹក លុះក្រោយមកទើបមានក្រុមអ្នកសង្រ្គោះចុះមកអន្តរាគមន៍ជួយបុរសរូបនេះចេញមកវិញបានសម្រេច រួចក៏បញ្ជូនទៅសង្រ្គោះនៅមន្ទីរពេទ្យ៕
ប្រភព៖ Khaosod
