អ្នកមានសង្សារកើតចំថ្ងៃសុក្រមហាសំណាង ទទួលបានភាពរ៉ូមែនទិក យល់ចិត្ត រស់ស្រួល តែបើធ្វើឱ្យក្នក់ចិត្ត គេនឹងសងមកវិញស្តែងៗ

នរណាខ្លះកើតចំថ្ងៃសុក្រ? យោងតាមគេហទំព័រហោរាសាស្ត្រ  chirag daruwalla ដ៏ល្បីរបស់ឥណ្ឌា បុគ្គលិកលក្ខណៈរបស់អ្នកកើតថ្ងៃសុក្រ ត្រូវបានបែងចែកទៅតាមភេទប្រុស និង ភេទស្រី។

ជាក់ស្តែង មនុស្សស្រីកើតចំថ្ងៃសុក្រ ជាមនុស្សពោរពេញដោយក្តីស្រលាញ់ និង ស្នេហា។ នាងចូលចិត្តបញ្ជាក់អារម្មណ៍ដោយបង្ហាញត្រង់ៗ និង មានចរិយាសម្បត្តិទាក់ទាញមនុស្សជុំវិញខ្លួន។ នាងមានបំណងប្រាថ្នាខ្ពស់ចំពោះរូបរាងកាយ និង ភាពស្និទ្ធស្នាលជាមួយដៃគូដែលរ៉ូមែនទិកបំផុត។​

សម្រាប់បុរសកើតថ្ងៃសុក្រវិញ ជាមនុស្សចិត្តល្អ កក់ក្តៅ និង មានចរិយាសម្បត្តិពោរពេញដោយមន្តស្នេហ៍។ ពួកគេមានធម្មជាតិជាអ្នកដឹកនាំសន្តិភាព ចូលចិត្តបង្កើតភាពស៊ីចង្វាក់នៅក្នុងទំនាក់ទំនងស្នេហា និង មនុស្សជុំវិញខ្លួន។ ពួកគេចូលចិត្តបង្កើតភាពរ៉ូមែនទិក ងប់ងុល ហើយក៏មានអត្តចរិតធ្វើឱ្យអ្នកដទៃចាប់អារម្មណ៍ផងដែរ។

ចំពោះអ្នកមានគូស្នេហ៍ឬសង្សារកើតចំថ្ងៃសុក្រវិញ គេបានលម្អិតថា គូស្នេហ៍ឬសង្សាររបស់អ្នក គឺជាមនុស្សដែលពូកែថែរក្សាទំនាក់ទំនងសង្គម ទាំងក្នុងស្នេហា និង មិត្តភាព។ គេមានមិត្តភក្តិដ៏ល្អ និង ស្និទ្ធស្នាលខ្លាំងនៅក្នុងក្រុមគ្រួសារ។ ថ្ងៃសុក្រ គឺថ្ងៃរបស់ភពសុក្រ ជាព្រះនៃក្តីស្រលាញ់ ដូចនេះគេមានធម្មជាតិពូកែរ៉ូមែនទិក និង រក្សាឱ្យដៃគូរីករាយជានិច្ច។ ​ពេលខ្លះគេក៏ជួបស្នេហាបរាជ័យច្រើន ប៉ុន្តែក៏ពុះពារដើម្បីបានក្តីសុខមកវិញផងដែរ។

គេជាមនុស្សមានមនោសញ្ចេតនាខ្ពស់ និង មានការប្រឹងប្រែងដើម្បីរក្សាដៃគូឱ្យរីករាយ និង ពេញចិត្ត។ ប្រសិនបើគេមានបញ្ហាក្នុងទំនាក់ទំនង គេនឹងព្យាយាមជួសជុលឱ្យប្រសើរ តែបើមានបញ្ហារហូតដល់ចាកចេញ គេក៏ចេះបង្កើតវាឡើងវិញដោយខ្លួនឯងជាមួយទំនាក់ទំនងបន្ទាប់។ ជួនបានអ្នកថ្មី គេនឹងយល់ចិត្តអ្នកថ្មីកាន់តែខ្លាំង ហើយបង្ហាញឌឺដងអ្នកចាស់វិញមួយទំហឹង៕

ប្រភព៖ CD