អ្នកគាំទ្រស្រែកវ៉ាវ! ការប្រគំតន្ត្រីទោល វណ្ណដា នៅបាត់ដំបងនឹងមានវត្តមានរៀមច្បងក្នុងសិល្បៈដ៏ល្បីល្បាញ ២ រូបនេះ

បន្ទាប់ពីការទន្ទឹងរង់ចាំរបស់អ្នកគាំទ្ររបស់តារាចម្រៀងរ៉េប វណ្ណដា នៃការប្រគំតន្ត្រីទោលរបស់លោក វណ្ណដា ទាំង ២ ខេត្តក្រុង បាននឹងកខិតជិតមកដល់ហើយ ដោយការប្រគំតន្ត្រី «ត្រីវិស័យសម័យមាស/Treyvisai Legacy» នៅឯខេត្តបាត់ដំបង នឹងរៀបចំឡើងនៅថ្ងៃទី ០៣ ខែឧសភា ឆ្នាំ ២០២៥ ខាងមុខនេះ។ រីឯការប្រគំតន្ត្រី «ត្រីវិស័យសុវណ្ណភូមិ/TREYVISAI SOVANNAPHUM» នឹងធ្វើឡើងនៅថ្ងៃទី ១៧ ខែ ឧសភា ឆ្នាំ ២០២៥ នៅឯទីក្រុងភ្នំពេញ នាពហុកីឡាដ្ឋានជាតិអូឡាំពិក។

យ៉ាងណាមិញ ការប្រគំតន្ត្រី «ត្រីវិស័យសម័យមាស/Treyvisai Legacy» នៅក្នុងខេត្តបាត់ដំបង ពេលនេះ បានជិតមដល់ហើយនៅថ្ងៃស្អែកនេះ ដោយក្នុង Solo Concert របស់លោក វណ្ណដា ដើម្បីអបអរការចេញ Album ចម្រៀងទី ៣ នេះ ក៏មានការចូលរួមសម្តែងពីសិល្បករ សិល្បការិនីជាច្រើនដែរ។

អ្វីដែលធ្វើឱ្យអ្នកគាំទ្រចាប់អារម្មណ៍ខ្លាំង គឺការប្រគំតន្ត្រី «ត្រីវិស័យសម័យមាស/Treyvisai Legacy» នៅខេត្តបាត់ដំបងនឹងមានការចូលរួមសម្តែងពីរៀមច្បងលើវិថីសិល្បៈទាំងចម្រៀងរ៉េប គឺ ឌីជេ ក្តិប និង រៀមច្បងផ្នែកពហុជំនាញ គឺអ្នកនាង ខាត់ សុឃីម។ ក្នុងនោះ អ្នកគាំទ្រ ដែលបានទិញសំបុត្រចូលរួមការប្រគំតន្ត្រីទោលរបស់តារាចម្រៀងរ៉េប វណ្ណដា នៅខេត្តបាត់ដំបង កំពុងមអន្ទះសារចង់ឃើញការសម្តែងរបស់លោក និង រៀមច្បង ២ រូប ខាងលើនឹងមានអ្វីខ្លះទៅ ខណៈនេះជាឆាកដំបូង ដែល លោក វណ្ណដា បានអញ្ជើញ ឌីជេ ក្តិប និង អ្នកនាង ខាត់ សុឃីម មកសម្តែង៕