លេបថប់ស្ដើង និង ស្រាល ទំហំ ១៤ អ៊ីញ ដែលបំពាក់ដោយប្រព័ន្ធដំណើរការ Intel Core Ultra ជំនាន់ទី ២ ដែលមានបច្ចេកវិទ្យា AI សម្រាប់បទពិសោធផលិតភាព និង កម្សាន្តដ៏ល្អឥតខ្ចោះ នៅគ្រប់ទីកន្លែង។
ភ្នំពេញ, កម្ពុជា, ថ្ងៃទី 7 មីនា ឆ្នាំ 2025 ៖ ក្រុមហ៊ុន ASUS នៅថ្ងៃនេះ បានប្រកាសជាផ្លូវការអំពីកុំព្យូទ័រយួរដៃ ASUS Vivobook S 14 (S5406SA) ជំនាន់ថ្មីបំផុត ដែលជាកុំព្យូទ័រយួរដៃទំហំ ១៤ អ៊ីញ ស្ដើងស្រាល និង មានរូបរាងស្អាត ដែលមានកម្រាស់ត្រឹមតែ ១.៣៩ សង់ទីម៉ែត្រ និង មានទម្ងន់ត្រឹមតែ ១.៣ គីឡូក្រាមប៉ុណ្ណោះ។
កុំព្យូទ័រយួរដៃ ASUS Vivobook S 14 ដែលទទួលបានវិញ្ញាបនបត្រ Intel Evo™ មានរូបរាងទាន់សម័យ មានកម្លាំងខ្លាំង និង ស្រាល ផ្តល់នូវបទពិសោធដ៏ល្អបំផុតសម្រាប់អ្នកដែលកំពុងស្វែងរកផលិតភាពក្នុងការធ្វើការងារ និង ការកម្សាន្តភ្លាមៗ ជាមួយនឹងជម្រើសពណ៌ទាន់សម័យ និង រចនាបថអប្បបរមា ដែលមានគុណភាពខ្ពស់ ធ្វើឲ្យវាក្លាយជាជម្រើសដ៏ល្អបំផុតសម្រាប់ភាពងាយស្រួល និងប្រសិទ្ធភាពការងារ។ ASUS Vivobook S 14 ត្រូវបានបំពាក់ដោយប្រព័ន្ធដំណើរការ Intel Core Ultra ជំនាន់ចុងក្រោយ (ស៊េរី 2) ដែលមាន TDP រហូតដល់ 35 វ៉ាត់ និង Neural Processing Unit (NPU) 47 TOPS ដែលបង្កើនល្បឿនការងារប្រកបដោយប្រសិទ្ធភាពថាមពល។ លើសពីនេះទៀត ASUS Vivobook S 14 មានគ្រាប់ចុច Copilot ដែលអនុញ្ញាតឲ្យអ្នកប្រើប្រាស់ចូលប្រើប្រាស់ឧបករណ៍ AI របស់ Windows 11 បានយ៉ាងងាយស្រួល។
អេក្រង់ ASUS Lumina OLED ដែលជាអេក្រង់ឈានមុខគេទំហំ 14 អ៊ីញ ផ្តល់នូវរូបភាពដែលមានភាពច្បាស់លាស់ដូចជីវិតពិត ជាមួយនឹងកម្រិតនៃការបង្ហាញរូបភាពដល់ FHD (1920 x 1200) អត្រាការធ្វើបច្ចុប្បន្នភាព 60Hz ពណ៌ដែលមានជម្រៅ 100% DCI-P3 និង វិញ្ញាបនបត្រ DisplayHDR™ True Black 600 ធានានូវគុណភាពរូបភាពដ៏ល្អឥតខ្ចោះ។
ក្តារចុច ASUS ErgoSense ដែលមានរចនាបថទាន់សម័យ និង ងាយស្រួលប្រើប្រាស់ មានលក្ខណៈពិសេសនៃការបំភ្លឺ RGB តែមួយតំបន់ដែលអាចកំណត់បាន និង មាន touchpad ErgoSense ធំជាងធម្មតាជាមួយនឹងការគាំទ្រចលនាឆ្លាតវៃ។ ដូចជាម៉ូដែល ASUS Vivobook ទាំងអស់ បទពិសោធអ្នកប្រើប្រាស់ត្រូវបានគិតគូរជាអាទិភាព ៖ មានសន្លាក់បើកបាន 180° កាមេរ៉ា IR ជាមួយគម្របការពាររូបភាព ច្រក I/O ពេញលេញ និង សំឡេង Dolby Atmos® ដ៏អស្ចារ្យពីស្តេរ៉េអូដែលមានស្តង់ដារ Harman Kardon។
ស្ដើង ស្រាល និង មានកម្លាំងខ្លាំង
កុំព្យូទ័រយួរដៃ ASUS Vivobook S 14 ថ្មី ដែលទទួលបានវិញ្ញាបនប័ត្រ Intel Evo™ មានកម្រាស់ស្ដើង និង ស្រាលជាងមុន ជាមួយនឹងរចនាសម្ព័ន្ធលោហធាតុទាំងស្រុងដែលមានកម្រាស់ត្រឹមតែ 1.39 សង់ទីម៉ែត្រ និង មានទម្ងន់ត្រឹមតែ 1.3 គីឡូក្រាម។ ក្រៅពីភាពងាយស្រួលក្នុងការដឹកជញ្ជូន និង រចនាបថអប្បបរមា វាក៏ផ្តល់នូវការប្រតិបត្តិការដ៏ល្អឥតខ្ចោះ ជាមួយនឹងប្រព័ន្ធដំណើរការ Intel Core Ultra 7 ជំនាន់ចុងក្រោយ (ស៊េរី 2) ក្រាហ្វិក Intel Arc™ អង្គចងចាំ RAM រហូតដល់ 32GB LPDDR5X 8533MHz និង អង្គផ្ទុកទិន្នន័យ SSD PCIe® 4.0 ទំហំ 1TB។ ប្រព័ន្ធត្រជាក់ ASUS IceCool ប្រើប្រាស់បំពង់កំដៅប្រសើរឡើងពីរ ម៉ាស៊ីនត្រជាក់ IceBlade ពីរដែលមានស្លាប 97 និង រន្ធខ្យល់ពីរ ជួយឲ្យកុំព្យូទ័រយួរដៃនេះសម្រេចបាននូវ TDP អតិបរមា 35W។ ទោះបីជាមានប្រសិទ្ធភាពខ្ពស់ក៏ដោយ ការប្រើប្រាស់ថាមពលដ៏ល្អឥតខ្ចោះផ្តល់នូវអាយុកាលថ្មដ៏អស្ចារ្យរហូតដល់ 27 ម៉ោង។
ប្រព័ន្ធដំណើរការ Intel Core Ultra (ស៊េរីទី 2) មានលក្ខណៈពិសេសនៃ Intel Neural Processing Unit (NPU) ដែលអាចបង្កើនបទពិសោធប្រើប្រាស់កុំព្យូទ័រដោយប្រើថាមពលទាប និង គុណភាពខ្ពស់។ វាល្អឥតខ្ចោះសម្រាប់ការផ្លាស់ប្តូរការងារពី CPU ដើម្បីទទួលបានគុណភាព និង ប្រសិទ្ធភាពប្រសើរជាងមុន ឬ សម្រាប់កិច្ចការដែលពឹងផ្អែកលើការគណនាពពក។ NPU ផ្តល់នូវការគណនា AI ដែលមានពេលវេលារង់ចាំទាប ដែលអាចជួយធានានូវភាពឯកជននៃទិន្នន័យ និងប្រសិទ្ធភាពខាងសេដ្ឋកិច្ច។
ASUS Vivobook S 14 ក៏មានមុខងារ ASUS Memory Allocation Management ផងដែរ ដែលអនុញ្ញាតឲ្យអ្នកប្រើប្រាស់កំណត់រចនាសម្ព័ន្ធការបែងចែកសមត្ថភាពអង្គចងចាំទៅ iGPU ដែលអាចជួយបង្កើនប្រសិទ្ធភាពនៃការលេងហ្គេម ការបង្កើត និង កម្មវិធី AI។
រូបភាពច្បាស់ដូចជាការពិត
ASUS Vivobook S 14 ត្រូវបានបំពាក់ដោយអេក្រង់ ASUS Lumina OLED ទំហំ 14 អ៊ីញ 16:10 ត្រឹមត្រូវ និង គួរឲ្យទុកចិត្ត ដែលមានអត្រាធ្វើបច្ចុប្បន្នភាពរហូតដល់ 60Hz និង មានកម្រិតបង្ហាញ FHD (1920 x 1200) នៅក្នុងការរចនា NanoEdge បីជ្រុងស្ដើងសម្រាប់បទពិសោធមើលដែលសម្បូរបែប និង ដូចជាការពិតបំផុត។ អេក្រង់នេះផ្តល់ជូននូវកម្រិតពណ៌ DCI-P3 100% ដូចស្តង់ដាររោងកុន មានវិញ្ញាបនប័ត្រ VESA DisplayHDR™ True Black 600 និង ត្រូវបានទទួលស្គាល់សម្រាប់លក្ខណៈពិសេសថែរក្សាភ្នែកដោយ TÜV Rheinland។
បង្ហាញអារម្មណ៍ពិសេសរបស់អ្នក
អ្នកប្រើប្រាស់អាចបង្ហាញពីលក្ខណៈបុគ្គលរបស់ខ្លួនលើ ASUS Vivobook S 14 ជាមួយនឹងក្តារចុច ASUS ErgoSense RGB-backlit តំបន់តែមួយថ្មី។ ជាមួយនឹងការគាំទ្រ Windows Dynamic Lighting អ្នកប្រើប្រាស់អាចកំណត់ពណ៌ និង បែបផែនពន្លឺបានយ៉ាងងាយស្រួលតាមរយៈការកំណត់របស់ Windows ដើម្បីផ្គូផ្គងអារម្មណ៍ និង បុគ្គលិកលក្ខណៈរបស់ពួកគេ។ ក្តារចុចទំហំពេញមានចម្ងាយរវាងគ្រាប់ចុច 19.05mm កម្ពស់គ្រាប់ចុច 0.2mm និង ចម្ងាយការវាស់គ្រាប់ចុច 1.7mm សម្រាប់បទពិសោធបញ្ចូលដែលគ្មានគូប្រៀប។ វាក៏ស្ងាត់ជាពិសេសផងដែរ ដោយសារតែយន្តការសោរថ្មីដែលបានបង្កើនប្រសិទ្ធភាព ដែលមានប្រយោជន៍ទាំងចំពោះទីតាំងផ្ទាល់ខ្លួនរបស់អ្នកប្រើប្រាស់ និង បរិស្ថានជុំវិញ។ តំបន់ប៉ះ ErgoSense ដែលពង្រីកធំជាងមុនជួយផ្តល់នូវរំហូរការងារប្រសើរជាងមុនសម្រាប់គម្រោង ឬ ការរុករកគេហទំព័រ ធានាថាការទំនាក់ទំនងគ្រប់យ៉ាងមានភាពត្រឹមត្រូវ និង រលូន។
បទពិសោធអ្នកប្រើប្រាស់ដ៏ល្អឥតខ្ចោះ
បង្កើតឡើងដោយផ្តោតលើភាពងាយស្រួលរបស់អ្នកប្រើប្រាស់ជាចម្បង ASUS Vivobook S 14 ធ្វើឲ្យការងារទាំងអស់រលូន មិនថាជាការងារឬកម្សាន្តក៏ដោយ។ ASUS Vivobook S 14 មានគ្រាប់ចុច Copilot ដែលបានឧទ្ទិសនៅលើក្តារចុច ជាមធ្យោបាយរហ័សដើម្បីចូលប្រើកម្មវិធី Copilot យ៉ាងរលូន។ គ្រាប់ចុចនេះត្រូវបានរចនាឡើងសម្រាប់ការធ្វើឱ្យសកម្មភ្លាមៗ អនុញ្ញាតឲ្យអ្នកប្រើប្រាស់ចូលប្រើកម្មវិធីដែលប្រើប្រាស់បញ្ញាសិប្បនិម្មិតរបស់ Windows 11 បានយ៉ាងងាយស្រួលដោយគ្រាន់តែចុចម្តង។ វាអាចសម្រួលដំណើរការការងារ ដោយដាក់កម្លាំងរបស់ Copilot នៅលើចុងម្រាមដៃអ្នកប្រើប្រាស់។
រចនាឡើងដោយគិតគូរយ៉ាងជិតស្និទ្ធដល់អ្នកប្រើប្រាស់ ASUS Vivobook S 14 ធ្វើឲ្យកិច្ចការណាមួយកាន់តែងាយស្រួល ទាំងការងារ និង ការកម្សាន្ត។ ដើម្បីភាពងាយស្រួលក្នុងការភ្ជាប់ឧបករណ៍បន្ថែមដូចជា អេក្រង់ខាងក្រៅ កណ្ដុរ ក្តារចុច ស្ពីកែរ កាស និង ច្រើនទៀត វាមានរន្ធ Thunderbolt™ 4 ចំនួនពីរ រន្ធ USB 3.2 Gen 1 Type-A ចំនួនពីរ រន្ធ HDMI® 2.1 (TMDS) មួយ ម៉ាស៊ីនអានកាត MicroSD មួយ និង រន្ធអូឌីយ៉ូ 3.5mm មួយ។ ការរចនាសន្លាក់បើកបាន 180° ធ្វើឲ្យការសហការជាមួយមិត្តរួមការងារ និង មិត្តភក្តិកាន់តែងាយស្រួល។
ការហៅទូរស័ព្ទវីដេអូកាន់តែមានផលិតភាពខ្ពស់ជាមួយនឹងកាមេរ៉ា ASUS AiSense IR ច្នៃប្រឌិតថ្មី ដែលធានាថាអ្នកប្រើប្រាស់តែងតែមើលទៅស្រស់ស្អាត និង បច្ចេកវិទ្យា AI noise-cancelation កាត់បន្ថយសំឡេងរំខានពីផ្ទៃខាងក្រោយសម្រាប់មីក្រូហ្វូន និង សំឡេង។ ប្រព័ន្ធអូឌីយ៉ូ Harman Kardon-certified ផ្ដល់នូវសំឡេង Dolby Atmos® multidimensional ដ៏អស្ចារ្យសម្រាប់ការកម្សាន្ត និង ការសន្ទនាច្បាស់លាស់។
ASUS Vivobook S 14 គឺជាជម្រើសដ៏ល្អបំផុតសម្រាប់បង្ហាញរសជាតិដ៏ប្រណីតយ៉ាងងាយស្រួល។ ស្លាកសញ្ញាថ្មីដែលបានរចនាឡើងយ៉ាងប្រណីត បង្ហាញពីស្មារតីនៃភាពសាមញ្ញ និង រចនាបថទាន់សម័យ។ វាមានជម្រើសពណ៌ទំនើបពីរគឺ ពណ៌ខៀវស្រាល (Mist Blue)។ ក្រៅពីការសមត្ថភាព និង រចនាបថដ៏ទាក់ទាញរបស់វា ASUS Vivobook S 14 ក៏ត្រូវបានធ្វើតេស្តយ៉ាងតឹងរឹងដើម្បីបំពេញតាមស្តង់ដារភាពរឹងមាំកម្រិតយោធា MIL-STD 810H។
ចំពោះការធានា
សម្រាប់អ្នកដែលជាវផលិតផលផ្លូវការប្រចាំប្រទេសកម្ពុជា នឹងទទួលបាននូវការធានា Perfect Warranty សម្រាប់រយៈពេលមួយឆ្នាំដំបូង ហើយនឹងការធានាជាសកល International Warranty រយៈពេល 2 ឆ្នាំថែមទៀតផង។ ដូច្នេះ មិនថានៅប្រទេសណានោះទេ ប្រសិនបើឡែបថបលោកអ្នកមានបញ្ហា គឺអាចយកទៅជួសជុលបាននៅគ្រប់ ASUS Service Center បានដោយគ្មានបញ្ហា។ ហើយអ្វីដែលពិសេសនោះ នៅក្នុងពេលធានា 1 ឆ្នាំដំបូង ប្រសិនបើអ្នកប្រើប្រាស់មានបញ្ហាខូច ដូចជា ជ្រុះធ្លាក់ បែកបាក់ ផ្នែកណាមួយ ក្រុមហ៊ុន ASUS នឹងមានការរាប់រងទៅលើថ្លៃចំណាយ 80% ទៅលើការផ្លាស់ប្តូរ Spare Part ទៀតផង។ សម្រាប់ព័ត៌មានបន្ថែមលោកអ្នកអាចមើលនៅ ASUS warranty តាមរយៈតំណនេះ ៖ https://www.asus.com/kh/content/asus-perfect-warranty/
ការដាក់លក់ និង តម្លៃ
ASUS VIVOBOOK S 14 (S5406SA) នឹងចាប់ផ្តើមលក់នៅថ្ងៃទី 7 មីនា នៅប្រទេសកម្ពុជា ក្នុងតម្លៃ $1,149។
សូមទាក់ទងតំណាង ASUS ក្នុងស្រុករបស់លោកអ្នកសម្រាប់ព័ត៌មានបន្ថែម។
SPECIFICATIONS
Notes to Editors
ASUS Facebook : https://www.facebook.com/ASUSKH.Cambodia
ASUS Website: https://www.asus.com/kh/laptops/for-home/vivobook/asus-vivobook-s-14-oled-s5406/
ASUS Tik Tok: https://www.tiktok.com/@asus.kh
អំពី ASUS
ASUS គឺជាក្រុមហ៊ុនបច្ចេកវិទ្យាឈានមុខគេលើពិភពលោក ដែលផ្តល់នូវឧបករណ៍ គ្រឿងបន្លាស់ និង ដំណោះស្រាយច្នៃប្រឌិត និង ងាយស្រួលប្រើប្រាស់បំផុត ដើម្បីបង្កើតបទពិសោធដ៏អស្ចារ្យ ដែលធ្វើឱ្យជីវិតមនុស្សគ្រប់ទីកន្លែងកាន់តែប្រសើរឡើង។ ជាមួយនឹងក្រុមអ្នកជំនាញ R&D ចំនួន ៥០០០ នាក់ ក្រុមហ៊ុនត្រូវបានគេទទួលស្គាល់ជាសកលសម្រាប់ការបង្កើតឡើងវិញនូវបច្ចេកវិទ្យាសម័យទំនើបជាបន្ត។ ត្រូវបានគេវាយតម្លៃជាប់ជាប្រចាំជាក្រុមហ៊ុនដែលមានកិត្តិយសបំផុតមួយរបស់ពិភពលោកតាម Fortune, ASUS ក៏ប្តេជ្ញាចិត្តក្នុងការរក្សានូវអនាគតដ៏អស្ចារ្យផងដែរ។
គោលដៅគឺការបង្កើតសហគ្រាសសុទ្ធសូន្យដែលជួយជំរុញការផ្លាស់ប្តូរទៅរកសេដ្ឋកិច្ចរាងជារង្វងជាមួយនឹងខ្សែសង្វាក់ផ្គត់ផ្គង់ដែលមានទំនួលខុសត្រូវ ដែលបង្កើតតម្លៃរួមគ្នាសម្រាប់យើងទាំងអស់គ្នា៕
