សុខចិត្តនៅមេម៉ាយ ២០ ឆ្នាំ មើលថែកូនម្នាក់ឯងមិនយកប្ដីថ្មី ចុងក្រោយមកទន់ចិត្តនឹងសម្តីប្រុសក្មេងជាមិត្តកូនខ្លួនឯង

ថ្មីៗនេះ ស្រ្តីវ័យ ៥០ ម្នាក់នៅប្រទេសចិន បានទម្លាយពីប្រវត្តិស្នេហា ដែលត្រូវមិត្តកូនប្រុស អាយុឃ្លាតគ្នាតាមញ៉ែ រហូតដល់បាក់ចិត្តស្រឡាញ់ ចុងក្រោយបានពពោះកូនពៅនៅពាក់កណ្តាលជីវិត។

តាមព័ត៌មានបានឱ្យដឹងថា ស្រ្តីរូបនេះមានឈ្មោះថា Xin ជាអ្នករកស៊ីខាង e-commerce វ័យ ៥០ ឆ្នាំ ដែលមានផ្ទះវីឡាប្រណីតនៅទីក្រុង Guangzhou ប្រទេសចិន។ Xin បានលែងលះស្វាមីតាំងពីអាយុ ៣០ ឆ្នាំមកម្ល៉េះ ហើយតស៊ូចិញ្ចឹមកូន ២ នាក់តែម្នាក់ឯង។ យ៉ាងណាមិញ កាលពី ៦ ឆ្នាំមុន កូនប្រុសរបស់ Xin បាននាំមិត្តភក្តិចំនួន ៣ នាក់មកលេងផ្ទះខណៈបុណ្យចូលឆ្នាំចិន ក្នុងនោះមានម្នាក់ជាជនជាតិរុស្សី និយាយភាសាចិនបានយ៉ាងស្ទាត់ជំនាញ ហើយគេពិតជាពេញចិត្តការស្វាគមន៍ និង ថ្វីដៃធ្វើម្ហូបរបស់ Xin រហូតសុំស្នាក់នៅពី ១ យប់ ដល់ទៅ ១ សប្តាហ៍។

តាំងពីពេលនោះ បុរសជនជាតិរុស្សីនេះ ក៏តែងតែទាក់ទងមករក Xin ប្រាប់ពីអារម្មណ៍ពិត តែ Xin ក៏បានបដិសេធ ព្រោះគិតថាអាយុឃ្លាតគ្នាដល់ទៅជាង ២០ ឆ្នាំ មើលទៅពិតជាមិនសម។ តែដោយសារតែការលើកទឹកចិត្តពីកូនប្រុស Xin ក៏ព្រមទទួលយកបុរសនោះជាស្វាមី ដោយបានចុះសំបុត្រអាពាហ៍ជាមួយគ្នាកាលពីដើមឆ្នាំ ២០២៥ កន្លងទៅ។ លុះដល់ខែមិថុនា ឆ្នាំ ២០២៥ កន្លងទៅនេះ Xin ក៏បានប្រកាសថា ខ្លួនកំពុងតែពពោះជាមួយនឹងស្វាមីក្មេង ហើយនឹងព្យាយាមមើលថែ ព្រមទាំងរង់ចាំសមាជិករូបនេះមកនៅក្នុងគ្រួសារផងដែរ៕

ប្រភព៖ Khaosod