ក្នុងក្រុមចម្រៀង 2NE1 CL ជាសមាជិកមានទេពកោសល្យខ្ពស់ នាងជាមេក្រុមដ៏ខ្លាំងក្លា ពូកែច្រៀង រ៉េប និង រាំ ជាពិសេស ស្ទីលហ្វេហ្សិនរបស់នាង តែងបង្កើតការចាប់អារម្មណ៍ថ្មី ហើយប្លែកជានិច្ច។
សម្រាប់ស្ទីលលេងខ្លួន ជានិច្ចកាល CL តែងពាក់សម្លៀកបំពាក់ ដែលច្នៃឡើងដោយអ្នកច្នៃម៉ូដអន្តរជាតិល្បីៗ ហើយក្នុងនោះ យើងសូមលើកពីស្ទីលហ្វេហ្សិនដ៏លេចធ្លោទាំង ៥ របស់នាងដូចខាងក្រោម៖
១. រ៉ូបរំលេចតុក្កតា Teddy
ជាប្រវត្តិសាស្ត្រ 2NE1 ជាក្រុមចម្រៀងស្រីកូរ៉េដំបូង ដែលបានពាក់សម្លៀកបំពាក់របស់ម៉ាក Moschino ដែលជាប្រ៊េនរបស់អ៊ីតាលី។ កាលបំបែកក្រុមក្លាយជាតារាចម្រៀងទោល នាងបានបន្តគាំទ្រអ្នកច្នៃម៉ូដ Jeremy Scott ដែលជាអ្នកច្នៃម៉ូដរបស់ម៉ាក Moschino។ គ្រានោះបានពាក់រ៉ូបពណ៌ខ្មៅរឹបរាង និង មានលេងម៉ូដតុក្កតា teddy នៅជុំវិញស្មា។
២. ឈុតឡើងក្របទស្សនាវដ្តី W Magazine
ឈុតនេះត្រូវបានរៀបចំឡើងដោយអ្នកច្នៃម៉ូដជនជាតិបារាំង Jean Paul Gaultier។ CL បានស្លៀកឈុតនេះ ថតឡើងក្របទស្សនាវដ្តី W Magazine កូរ៉េ។
៣. ឈុតហ្វេហ្សិនខូវប៊យ
ខូវប៊យមកជាឈុត មានអាវក្រៅ និង ខោ ពាក់បែបរលុង Oversize រួមទាំងមានបន្ថែមសំពត់ខ្លីពីលើ មើលមកហ្វេហ្សិនលាយឡំនារីភាព។ បន្ថែមភាពលេចធ្លោ CL បានពាក់វ៉ែនតាខ្មៅ ស្រោមដៃ និង កាបូបខ្មៅផងដែរ។ ឈុតនេះមកពីអ្នកច្នៃម៉ូដប្រ៊េន Balenciaga ដោយនាងបានពាក់ទៅចូលរួមកម្មវិធីបង្ហាញម៉ូដរបស់ប្រ៊េនតែម្តង។
៤. អាវទ្រនាប់ម៉ូដរង្វង់
ឈុតមួយនេះមានភាពទាក់ទាញបំផុតត្រង់អាវទ្រនាប់ ដែលមានម៉ូដជារង្វង់។ វាជាឈុតលេចធ្លោបំផុតពីអ្នកច្នៃម៉ូដប្រចាំម៉ាក Schiaparelli។
៥. គ្រឿងលម្អក្បាល
ក្រឡេកភ្លាម ជឿជាក់ថាអ្នកគាំទ្រនឹងចាំបានភ្លែត ដែល CL ពាក់គ្រឿងលម្អក្បាលនេះនៅក្នុងបទណា។ ពិតប្រាកដណាស់ វាគឺនៅក្នុងបទ Hello Bitches ហើយវាត្រូវបានច្នៃឡើងដោយអ្នកច្នៃម៉ូដគ្រឿងអលង្ការ Malakai។ គ្រឿងលម្អក្បាលនេះមើលមក អនាគតកាល ខ្លាំង លាយឡំនារីភាព៕
ប្រភព៖ SP
