ក្រោយពីទម្លាយពីទំនាក់ទំនងពិតប្រាកដ ថាជាគូស្នេហ៍នឹងគ្នាមក តារាចម្រៀងស្រី រ៉ាប៊ី និង កីឡាករបាល់ទាត់រូបសង្ហាកូនខ្មែរកាត់អាមេរិក លោក Nick Taylor កាន់តែបង្ហាញសកម្មភាពផ្អែមល្ហែមលើបណ្ដាញសង្គមខ្លាំងឡើងពីមួយថ្ងៃទៅមួយថ្ងៃ។
កន្លងទៅនេះ កញ្ញា រ៉ាប៊ី ក៏បញ្ជាក់ថា ទំនាក់ទំនងរបស់នាង និង កីឡាករបាល់ទាត់រូបសង្ហាកូនខ្មែរកាត់អាមេរិក លោក Nick Taylor គឺមានរយៈពេលប្រមាណជា ១ ឆ្នាំហើយ ដោយពេលនេះ អ្នកទាំងពីរកំពុងសិក្សាមើលចិត្តគ្នាបន្ថែមទៀតមុននឹងឈានដល់រឿងចាប់ដៃគ្នាសាងអនាគតជាមួយគ្នា។
ដោយឡែក ថ្មីៗនេះ កញ្ញា រ៉ាប៊ី បានអូសមិត្តប្រុសបណ្តូលចិត្តទៅថត MV ថ្មីរបស់នាងជាថ្មីម្តងទៀតហើយ ដោយចម្រៀងនេះដែរ ក៏មានការចូលរួមសម្តែងពី នាយព្រែក ផងដែរ។
យ៉ាងណាមិញ អ្នកគាំទ្រកំពុងតែចាប់អារម្មណ៍នឹងសកម្មភាពនៃវីដេអូឈុតខុសៗរបស់លោក Nick ដែលត្រូវបានបង្ហោះឡើងពេញ Tik Tok ត្រង់លោកថតខុស មានអារម្មណ៍ថាខ្មាសអៀន ក៏ទៅស្រវាឱប-ក កញ្ញា រ៉ាប៊ី ដែលជាមិត្តស្រីឡើងជាប់។ ក្នុងនោះ អ្នកគាំទ្រឃើញសកម្មភាពនេះហើយ នាំគ្នាលើកឡើងស្រដៀងគ្នាថា គូនេះពិតជាស្វីតខ្លាំងណាស់៕
សូមចុចទីនេះ ដើម្បីទស្សនាវីដេអូ៖
