Album ថ្មីផ្នែកទី ១ ទើបបញ្ចេញ វណ្ណដា បង្ហើបយ៉ាងរំភើបពីផ្នែកទី ២ ថែមទាំងបង្ហោះរូបលោកតា គង់ ណៃ ទៀត

ក្រោយពីរង់ចាំអស់ពេលជាយូរ Album ចម្រៀងទី ៣ របស់លោក វណ្ណដា ដែលមានឈ្មោះថា «TREYVISAI» ឬ «ត្រីវិស័យ» បាន និង កំពុងបញ្ចេញបណ្តើរៗហើយ ដោយ Album ទី ៣ នេះ បានបែកចែកផ្នែកសំខាន់ ៣ ផ្សេងៗគ្នា។

ក្នុងនោះ Album «TREYVISAI» របស់កំពូលតារាចម្រៀងរ៉េប វណ្ណដា នឹងចែកចេញជា ៣ ផ្នែកសំខាន់ៗ ដោយផ្នែកទី ១ «TREYVISAI I: The Search For Light» ដែលបានចេញរួចរាល់ហើយ កាលពីថ្ងៃទទី ១៤ ខែមីនា ឆ្នាំ ២០២៥ ដោយមានចម្រៀងចំនួន ៨ បទ។ រីឯ «TREYVISAI II» នឹងបង្ហាញនៅថ្ងៃទី ២១ ខែមីនា ឆ្នាំ ២០២៥ និង «TREYVISAI III» នឹងបង្ហាញនៅថ្ងៃទី ១ ខែឧសភា ឆ្នាំ ២០២៥។

ជាក់ស្តែងក្នុងបទចម្រៀងជាច្រើនបទនៃ Album «TREYVISAI» ទាំង ៣ ផ្នែក របស់ វណ្ណដា ក៏មានតារាចម្រៀងរ៉េបប្រចាំប្រទេសកម្ពុជា និង ក្រៅប្រទេសមួយចំនួនទៀតសហការណ៍ច្រៀងជាមួយនឹងលោកដែរ ដោយក្នុងនោះ Album «TREYVISAI» ក៏រួមមានកំពូលតារាចម្រៀងរ៉េបប្រចាំប្រទេសថៃ លោក Youngohm មួយរួបដែរ។

ដោយឡែក ក្រោយ ផ្នែកទី ១ នៃ Alubum «TREYVISAI» បានចេញជាផ្លូវការបាន ១ ថ្ងៃ វណ្ណដា បានធ្វើឱ្យអ្នកគាំទ្រកាន់តែអន្ទះសារង់ចាំផ្នែកទី ២ ក៏ព្រោះតែលោកបានបង្ហោះថា ផ្នែកបន្ត នឹងមានការសហការណ៍នឹងតារាចម្រៀងជាច្រើនទៀត។ លើសពីនោះ អ្វីដែលកាន់តែរំភើប ក្នុងការបង្ហោះនោះដែរ វណ្ណដា ក៏មានរូបភាពរបស់លោក ជាមួយនឹងលោកតា គង់ ណៃ ថែមទៀតផង៕