បើគិតមកដល់ពេលនេះ រយៈពេល ៨ ខែ មកហើយ ដែលលោក ប៉ាន់ ខែមម៉ានូ តួឯកប្រុសក្នុងរឿង «កូនប្រុសក្រោមពន្លឺព្រះចន្ទពេញបូណ៍មី» បានដឹកដៃភរិយារូបស្រស់ចូលរោងការតាមប្រពៃណី កាលពីថ្ងៃទី ១៩ ខែវិច្ឆិកា ឆ្នាំ ២០២៤ កន្លងទៅ។
កាលនោះ ពិធីមង្គលការរបស់តារាប្រុស ប៉ាន់ ខែមម៉ានូ និង ភរិយា បានរៀបចំឡើងយ៉ាងអធិកអធមនៅទីរួមខេត្តតាកែវ ដោយកម្មវិធីមង្គលការបានរៀបចំឡើងទៅតាមប្រពៃណីទំនៀមទម្លាប់ខ្មែរយ៉ាងខ្ជាប់ខ្ជួន សូម្បីតែសម្លៀកបំពាក់គ្រងលើកូនប្រុសស្រី ក៏សមសួន ប្រណីត ថ្លៃថ្នូរទៅតាមប្រពៃណីខ្មែរដែរ។ មិនត្រឹមតែប៉ុណ្ណោះ បើទោះជារៀបការនៅឯខេត្តក៏ពិតមែន ប៉ុន្តែមានមិត្តទាំងក្នុង ក្រៅសិល្បៈ និង តារាល្បីៗជាច្រើនបានទៅចូលរួមពិធីមង្គលការរបស់លោក។
ក្រោយរៀបការអស់រយៈពេលជិតកន្លះឆ្នាំ លោក ប៉ាន់ ខែមម៉ានូ បានប្រកាសដំណឹងល្អជាថ្មីដល់អ្នកគាំទ្រ ដោយភរិយារបស់លោកកំពុងពពោះកូនដំបូងផងដែរ ដោយកូនក្នុងផ្ទៃរបស់ភរិយាជាទីស្រឡាញ់ គឺជាកូនប្រុស។
យ៉ាងណាមិញ ថ្មីៗនេះ លោក ប៉ាន់ ខែមម៉ានូ បានបង្ហោះវីដេអូធ្វើដំណើរទៅកាន់ខេត្តរតនៈគីរី ដើម្បី Prank ភរិយា អំឡុងពេលនាង ទៅប្រឡងនៅទីនោះ។ ក្នុងនោះដែរ លោក ប៉ាន់ ខែមម៉ានូ បានធ្វើដំណើរយ៉ាងវែងឆ្ងាយ ទៅជួបភរិយា ដោយមិនបានប្រាប់ជាមុន រហូតធ្វើឱ្យភរិយារំភើបចិត្តរហូតដល់យំ។
គួរជម្រាបថា ក្រោយរៀបការលោក ប៉ាន់ ខែមម៉ានូ និង ភរិយា រស់នៅជួបជុំគ្នាធម្មតានោះទេ ប៉ុន្តែថ្មីៗនេះ ភរិយារបស់លោកត្រូវធ្វើដំណើរទៅកាន់ខេត្តរតនគីរី ជាស្រុកកំណើត ដើម្បីប្រឡង ហើយក៏ជាលើកដំបូង ដែលរស់ឆ្ងាយគ្នានោះ ទើបពេលលោក ប៉ាន់ ខែមម៉ានូ រៀបគម្រោង Prank ភរិយា ធ្វើឱ្យភរិយារំភើបចិត្តបែបនេះ៕
សូមចុចទីនេះ ដើម្បីទស្សនាវីដេអូ៖
