ស្របពេលជម្លោះព្រំដែនរវាងកម្ពជា និង ថៃ កំពុងក្ដៅគគុករហូតឈានដល់ការផ្ទុះសង្រ្គាមតាមព្រំដែន ដោយភាគីប្រទេសថៃជាអ្នកប្រើអាវុធបាញ់មកដល់ដែនអធិបតេយ្យភាពកម្ពុជា និង កងទ័ពកម្ពុជា មុន កាលពីថ្ងៃទី ២៤ ខែកក្កដា ឆ្នាំ ២០២៥ ធ្វើឱ្យប្រជាជនស្លូតត្រង់ជាច្រើនដែលរស់នៅជាប់ព្រំដែន បានបង្ខំចិត្តចាកចេញពីផ្ទះដ៏កក់ក្ដៅទៅរកកន្លែងមានសុវត្ថិភាព ហើយទន្ទឹមនឹងនោះក៏មានប្រជាពលរដ្ឋខ្មែរស្លូតត្រង់ជាច្រើន បានរងរបួសពីការបាញ់ប្រហារទាំងកម្រោលពីចោរថៃផងដែរ។
ខណៈសង្រ្គាមរវាងប្រទេសទាំង ២ នៅតែបន្តក្ដៅគគុកនៅតាមបណ្ដាព្រំដែនខេត្តឧត្តរមានជ័យ និង ខេត្តព្រះវិហារ នៅរសៀលថ្ងៃទី ២៥ ខែកក្កដា ឆ្នាំ ២០២៥ នេះ ប្រជាពលរដ្ឋកម្ពុជាទាំងមូល កំពុងខឹងសម្បា និង ប្រតិកម្មយ៉ាងខ្លាំងចំពោះឥរិយាបថរបស់តារាស្រីថៃម្នាក់ ឈ្មោះ Mai Davika ដែលបានបង្ហោះរូបថតមួយសន្លឹកនៅលើ IG Story របស់ខ្លួន ក្នុងបំណងមើលងាយប្រទេសកម្ពុជា។
រូបភាពដែលនាង Mai Davika បានបង្ហោះធ្វើឱ្យមហាជនប្រតិកម្មខ្លាំងនោះ គឺនាងបានយករូបភាពដែលនាងធ្លាប់មកកាន់ទឹកដីកម្ពុជា ហើយមានចេតនាសរសេរអក្សរ «2025 Cambodia» ដាក់នៅបាតជើងរបស់នាង ដែលទង្វើដ៏គ្មានចំណេះដឹង និង ពិលពុលមួយនេះ ធ្វើឱ្យប្រជាជនកម្ពុជាទាំងមូលមិនអាចទទួលយកបានដាច់ខាត ទោះបីជាប្រទេសទាំងពីរកំពុងមានជម្លោះនឹងគ្នាក៏ដោយ៕
