នាពេលថ្មីៗនេះ អាជ្ញាធរអគ្គិសនីកម្ពុជា បានចេញសេចក្តីជូនដំណឹងស្តីពីការពន្យារពេលក្នុងការទទួលពាក្យសុំចូលបម្រើការងារ ដោយ ធ្លាប់បានកំណត់ឈប់ទទួលពាក្យសុំចូលបម្រើការងារនៅអាជ្ញាធរអគ្គិសនីកម្ពុជា ត្រឹមថ្ងៃទី ៣១ ខែមីនា ឆ្នាំ ២០២៥ តែពេលនេះ អាជ្ញាធរអគ្គិសនីកម្ពុជា សម្រេចពន្យារពេលក្នុងការទទួលពាក្យសុំចូលបម្រើការងារនៅអាជ្ញាធរអគ្គិសនីកម្ពុជា រហូតដល់ថ្ងៃទី ១៨ ខែមេសា ឆ្នាំ ២០២៥ វិញ។
សូមបញ្ជាក់ថា បុគ្គលិកដែលនឹងត្រូវជ្រើសរើស គឺនឹងបម្រើការងារនៅតាមនាយកដ្ឋានដូចខាងក្រោម ៖
១. នាយកដ្ឋានសេវាកម្មផលិតកម្មបញ្ជូន និង បញ្ជូនរងចំនួន ០២ រូប
២. នាយកដ្ឋានសេវាកម្មផ្គត់ផ្គង់ចំនួន ០៤ រូប
៣. នាយកដ្ឋានបញ្ជីថ្លៃលក់ និង ត្រួតពិនិត្យគណនេយ្យសេវាកម្មចំនួន ០១ រូប
អាស្រ័យហេតុនេះ ចំពោះទីកន្លែងយកពាក្យ និង ទទួលពាក្យ គឺស្ថិតនៅការិយាល័យបុគ្គលិក នៃអាជ្ញាធរអគ្គិសនីកម្ពុជា ចាប់ពីថ្ងៃជូនដំណឹងនេះ រហូតដល់ថ្ងៃទី ១៨ ខែមេសា ឆ្នាំ ២០២៥ រៀងរាល់ថ្ងៃធ្វើការ ពីថ្ងៃច័ន្ទ ដល់ថ្ងៃសុក្រ ពេលព្រឹកចាប់ពីម៉ោង ០៧:៣០ ដល់ម៉ោង ១២:០០ ពេលរសៀល ចាប់ពីម៉ោង ១៤:០០ ដល់ម៉ោង ១៧:៣០។ សម្រាប់ព័ត៌មានផ្សេងៗអាចទំនាក់ទំនងនៅការិយាល័យបុគ្គលិក នៃអាជ្ញាធរអគ្គិសនីកម្ពុជា ឬតាមរយៈ លេខទូរស័ព្ទ ០២៣ ២១៧ ៦៥៤៕
សូមអានសេចក្ដីជូនដំណឹងលម្អិតនៅខាងក្រោម ៖
