នៅថ្ងៃទី ០៧ ខែកញ្ញា ឆ្នាំ ២០២៥ អង្គភាពប្រឆាំងអំពើពុករលួយ បានចេញលិខិតចំនួន ៣ ទំព័រ ដោយបានបញ្ជាក់ឱ្យបានដឹងថា វិញ្ញាសាគណិតវិទ្យា មិនមានបែកធ្លាយមុនម៉ោងប្រឡងទេ។
តាមរយៈលិខិតបានឱ្យដឹងថា ការសង្ស័យនូវលទ្ធភាពបែកធ្លាយគឺមានទៅតាមដំណាក់កាលខ្លះៗ ខណៈនៅចំណុចទី ៣ ACU បានបញ្ជាក់ពីការកំណត់ពេលវេលាឱ្យបានដឹងថា រាល់វិញ្ញាសាគណិតវិទ្យាដែលបានបង្ហោះតាំងពីរូបវិញ្ញាសាដូចគ្នា 80% (រូបវាយឡើងវិញ) រហូតដូច 100% (រូបវិញ្ញាសាមានពាក្យកាចណាស់ និងមានស្នាមបត់ច្រើនផ្នត់) សុទ្ធតែបានបង្ហោះ ក្រោយម៉ោងប្រឡងទាំងអស់។ រីឯការបង្ហោះផ្សេងទៀតនាំឱ្យសង្ស័យថា មានលេចធ្លាយវិញ្ញាសាគណិតវិទ្យា ដូចជាការបង្ហោះចម្លើយវិញ្ញាសាគណិតវិទ្យា មានពេលវេលាដែលពុំទាន់មានមូលដ្ឋានជឿជាក់បាន៖
– វីដេអូបង្រៀនចម្លើយវិញ្ញាសាគណិតវិទ្យាវាយឡើងវិញ បង្ហោះនៅថ្ងៃទី 29/08-2025 ម៉ោង 20:40 (ក្រោយម៉ោងប្រឡង) ក្នុងនោះវីដេអូបង្រៀនចុះថ្ងៃ 28/08-2025 ម៉ោង 18:46 ហើយឯកសារដែលយកមកបង្រៀនចុះថ្ងៃ 28/08-2025 ម៉ោង 17:04 ដោយការបង្ហោះនេះ ធ្វើឡើងនៅក្រោយម៉ោងប្រឡង ឯកាលបរិច្ឆេទ ២ ទៀត ក៏សុទ្ធតែអាចរៀបចំបានជាមុន (Setting)។ ACU បានបន្តថា យើងពុំមានមូលដ្ឋានសន្និដ្ឋានថា ការបង្រៀនវិញ្ញាសាដែលលំដាប់លំដោយលេខរៀងរ៉ូមាំង លេខស្វ័យគុណ និង អក្សរតាងនៃអនុគមន៍ដែលបង្រៀននោះ គឺខុសពីវិញ្ញាសាគណិតវិទ្យាដែលមានរូបពិត ដែលប្រការនេះហើយ អ.ប.ព. លំបាកជឿជាក់។
ដើម្បីជ្រាបកាន់តែច្បាស់ សូមអានលម្អិតបន្ថែមនៅក្នុងលិខិតខាងក្រោម ៖
