បើគិតដល់ពេលនេះ រយៈពេលប្រមាណ ២ ឆ្នាំ មកហើយ ដែលតារាចម្រៀងស្រីប្រចាំផលិតកម្មសាន់ដេ កញ្ញា នាង គន្ធា និង កញ្ញា ម៉ាម៉ា បានបើកចំហចំណងស្នេហ៍ជាសាធារណៈ។
ក្នុងនោះដែរ មហាជន និង អ្នកគាំទ្រក៏បានចូលរួមរីករាយនៃទំនាក់ទំនងរបស់អ្នកទាំង ២ យ៉ាងខ្លាំង ក៏ព្រោះតែពីមួយថ្ងៃទៅមួយថ្ងៃឃើញថា កញ្ញា នាង គន្ធា និង កញ្ញា ម៉ាម៉ា ស្រឡាញ់យកចិត្តទុកដាក់ និង មើលថែគ្នាបានយ៉ាងល្អទៀតផង។
ងាកមកកាន់ក្រុមគ្រួសាររៀងៗខ្លួនឯណោះវិញក៏ដូចគ្នាដែរ តារាចម្រៀងស្រីទាំង ២ ទទួលបានការគាំទ្រ និង ពេញចិត្តនៃដំណើរផ្លូវរួមគ្នារបស់ កញ្ញា នាង គន្ធា និង កញ្ញា ម៉ាម៉ា ដោយក្រុមគ្រួសារដឹងឮ ទទួលស្គាល់ទាំងសងខាង។ ម្យ៉ាងវិញទៀតនោះ បើនិយាយពីភាពផ្អែមល្ហែមវិញ អ្នកគាំទ្រឃើញហើយលួចច្រណែនក៏មាន ខណៈតារាចម្រៀងស្រីទាំង ២ ហៅគ្នាប្តីប្រពន្ធយ៉ាងមានក្ដីសុខ៕
