កម្មវិធី PPDW បានបើកទំព័រខូឡិកហ្សិនប្រចាំរដូវត្រជាក់ fall/winter 2024-25 ដែលសុទ្ធសឹងជាការបង្ហាញ Trend ឬទំនោរនិយមថ្មីពីម៉ាកល្បីៗក្នុងស្រុក។ ចំណោមនោះ ម៉ាក SCT បានបញ្ចេញខូឡិកហ្សិនថ្មីឈ្មោះថា Water ឬ ទឹក ជាឈុតរ៉ូបច្រើនម៉ូដ មើលមកមានលក្ខណៈប្រណីត ស៊ីវិល័យ អមមកជាមួយគ្រឿងលម្អកាយរំលេចក្បាច់បុរាណខ្មែរមាន ក្រវិល ខ្សែក និង កាបូប…ជាដើម។
ជាការពិតណាស់ ខូឡិកហ្សិននេះត្រូវបានបំផុសគំនិតពី ចលនា និង ទឹក រំលេចភាពរលើបរលោង ជាសេរីភាពនៃអ្វីៗដែលស្រស់ស្អាត។ ពីមួយឈុតទៅមួយឈុត ពិតជាប្រណីត អេឡេហ្គង់ និង ពោរពេញដោយភាពឆើតឆាយ។ ខូឡិកហ្សិននេះ ស័ក្តិសមបំផុតសម្រាប់ពាក់ចូលរួមកម្មវិធី មិនថាកម្មវិធីតូចឬធំ នឹងបង្ហាញពីភាពថ្លៃថ្នូរខ្ពង់ខ្ពស់របស់នារីសម័យថ្មី។ ចុះតើមិត្តៗនារីយើងចាប់អារម្មណ៍ម៉ូដមួយណា?៕
