ខណៈដែលក្រុមហ៊ុនរថយន្តជាច្រើនហាក់ស្ងៀមស្ងាត់មិនឆ្លើយតបនឹងតម្រូវការនៃការជួយដល់ប្រជាពលរដ្ឋដែលបានជម្លៀសពីបញ្ហាជម្លោះព្រំដែន ប៉ុន្តែក្រុមហ៊ុន MG Cambodia បានចាត់វិធានការយ៉ាងសកម្ម ដើម្បីជួយដល់សហគមន៍កម្ពុជាយើង។ ដោយសហការជាមួយក្រុមហ៊ុននាំចូលរថយន្តរបស់ខ្លួនគឺក្រុមហ៊ុន TF Motors, MG បានបង្ហាញថាខ្លួនមិនត្រឹមតែជាក្រុមហ៊ុនលក់រថយន្តទេ ប៉ុន្តែក្រុមហ៊ុនក៏បានចូលរួមជាមួយក្រុមការងារទាំងអស់ ទាំងផ្នែកធនធានមនុស្ស និងសហគមន៍របស់ខ្លួនដើម្បីចូលរួមផ្តល់ជំនួយដោយផ្ទាល់ដល់ប្រជាជនភៀសសឹកនៅតំបន់ព្រំដែន។
ចាប់តាំងពីថ្ងៃដំបូងនៃវិបត្តិជម្លោះព្រំដែនមក ក្រុមហ៊ុន MG Cambodia និង TF Motors បានចាប់ផ្តើនភារកិច្ចដ៏សំខាន់ដែលជាជំនួយយ៉ាងរហ័ស ដើម្បីជួយដល់ប្រជាពលរដ្ឋដែលរងផលប៉ះពាល់តាមព្រំដែន។ ពួកគេបានសហការជាមួយអ្នកផលិតមាតិការដ៏ល្បីគឺ លោក Benly Cooking ដើម្បីចម្អិនអាហារជូនដល់កងទ័ពនិងប្រជាពលរដ្ឋរស់នៅតំបន់ព្រំដែន។ យ៉ាងណាមិញ បុគ្គលិកជាច្រើនគ្រប់ផ្នែកនៃក្រុមហ៊ុនបានស្ម័គ្រចិត្តចូលរួមបរិច្ចាគឈាមដើម្បីត្រៀមក្នុងការចូលរួមចំណែកគាំទ្រដល់យុទ្ធជនកម្ពុជាដែលកំពុងការពារបរណភាពទឹកដី, ការនាំយកនូវម្ហូបអាហារដូចជា៖ អង្ករ, ទឹកសុទ្ធ, ត្រីងៀត, សាច់ក្រក, មុង, ភួយ, កន្ទេល, តង់, ថ្នាំសង្កូវ, សម្ភារៈប្រើប្រាស់ចាំបាច់ផ្សេងៗ និងអំពូលភ្លើងប្រើសូឡា ជូនទៅកាន់ប្រជាជនភៀសសឹកនៅតំបន់សុវត្ថិភាពតាមព្រំដែនក្នុងខេត្តព្រះវិហារ។ ការចូលរួមនេះមិនត្រឹមតែជាការបរិច្ចាគប៉ុណ្ណោះទេ ប៉ុន្តែជាការចូលរួមផ្ទាល់ចេញពីបេះដូងរបស់ក្រុមហ៊ុន ក្នុងការជួយដល់ប្រជាជនដែលរងប៉ះពាល់យ៉ាងខ្លាំងពីជម្លោះព្រំដែន ជាពិសេសសម្រាប់សហគមន៍កម្ពុជាដែលមានអតិថិជនរបស់ខ្លួនបានគាំទ្រយ៉ាងខ្លាំងដល់រថយន្ត MG ។
យុទ្ធនាការនេះបានបង្ហាញថា MG មិនត្រឹមតែជាម៉ាករថយន្តដែលផ្តល់ទំនុកចិត្តខ្ពស់ដល់អតិថិជនរបស់ខ្លួនទេ ប៉ុន្តែជាក្រុមហ៊ុនដែលមានការទទួលខុសត្រូវខ្ពស់ក្នុងសង្គមផងដែរ។ អតិថិជន និងអ្នកគាំទ្រជាច្រើនបានបង្ហាញពីការពេញចិត្តនិងដឹងគុណចំពោះការឆ្លើយតបយ៉ាងឆាប់រហ័សរបស់ក្រុមហ៊ុន MG ខណៈដែលក្រុមហ៊ុនរថយន្តដទៃទៀតហាក់ស្ងៀមស្ងាត់។
ម្យ៉ាងវិញទៀត ក្រុមហ៊ុន MG Cambodia បានកំពុងរៀបចំផែនការបន្ទាប់លើការងារមនុស្សធម៌បន្ថែមទៀត ដោយផ្តោតលើការអប់រំ។ ដោយទទួលស្គាល់ពីផលប៉ះពាល់រយៈពេលវែងនៃការរំខានដល់ការសិក្សារបស់កុមារនៅតំបន់ព្រំដែនដែលរងផលប៉ះពាល់ បានធ្វើឱ្យក្រុមហ៊ុន MG កំពុងស្វែងរកវិធីសាស្ត្រផ្សេងៗដើម្បីផ្តល់ជំនួយផ្នែកការសិក្សាបន្ដទៀត ដូចជា ការផ្គត់ផ្គង់សម្ភារៈសិក្សា និង គ្រូបណ្ដោះអាសន្ន ដើម្បីបង្រៀនដល់កុមារនៅតំបន់សុវត្ថិភាព។ នេះគឺជាផ្នែកមួយនៃទស្សនៈវិស័យរយៈពេលវែងរបស់ក្រុមហ៊ុន MG ក្នុងការគាំទ្រសហគមន៏កម្ពុជា ដោយមិនត្រឹមតែការស្ដារឡើងវិញយ៉ាងបន្ទាន់ដល់កុមារៗនោះទេ ប៉ុន្តែការកសាងសមត្ថភាពសម្រាប់អនាគតកុមារក៏សំខាន់ផងដែរ។
នៅពេលក្រុមហ៊ុន MG Cambodia កំពុងបន្តអភិវឌ្ឍខ្លួនជាម៉ាករថយន្តដ៏ល្អដែលជាជម្រើសសម្រាប់ប្រជាជន នោះវាក៏កំពុងបង្កើតកេរ្តិ៏ឈ្មោះដ៏ល្បីល្បាញសម្រាប់ខ្លួន ថាជាក្រុមហ៊ុនដែលមានទំនួលខុសត្រូវខ្ពស់ក្នុងសង្គម ដោយបង្ហាញថាក្នុងពេលលំបាក ការដឹកនាំគឺមានន័យថា ត្រូវបង្ហាញខ្លួនធ្វើសកម្មភាពផ្ទាល់ៗយ៉ាងឆាប់រហ័ស និង បានជ្រើសរើសការជួយសហគមន៏ជាអាទិភាព។
សូមចុចទីនេះ ដើម្បីទស្សនាវីដេអូទី ១ ៖
សូមចុចទីនេះ ដើម្បីទស្សនាវីដេអូទី ១ ៖
