អឿន រូហ្សា ជាតួឯកស្រីថ្កុលមាស សម្តែងផ្ទុះការគាំទ្រស្ទើរគ្រប់រឿង

អឿន រូហ្សា ប្រឡូកសិល្បៈដំបូងក៏ក្ដោបបានតំណែងតួឯកក្នុងរឿងភាគបុរាណដ៏ល្បី «ទេពធីតាផ្កាថ្កុលមាស» ទៅហើយ។ រូហ្សា ទម្លាយអារម្មណ៍កាលនោះប្រៀបដូចជាការយល់សប្ដិ ព្រោះនាងត្រឹមជាក្មេងស្រីសាមញ្ញម្នាក់ ដែលគ្មានខ្សែស្រឡាយអ្នកសិល្បៈសោះ បែរជានៅសុខៗទទួលបានឱកាសមាសពីផលិតករឱ្យសម្ដែងជាតួឯក ហើយខ្សែភាពយន្តដំបូងមួយនេះទៀតសោត ក៏ផ្ទុះការគាំទ្រខ្លាំង និង ត្រូវបានមហាជនទទួលស្គាល់ពីសមត្ថភាពនាងមកដល់សព្វថ្ងៃ។