ក្រោយពីបានលុតជង្គង់សុំរៀបការ កាលពីថ្ងៃទី ៣ ខែធ្នូ ឆ្នាំ ២០២៤ របស់ Influencers ល្បីឈ្មោះលោក ណារ៉ូ និង កញ្ញា លីនដា ក្នុងថ្ងៃខួបស្នេហ៍គម្រប់ ៣ ឆ្នាំរបស់ពួកគេហើយនោះ នៅព្រឹកថ្ងៃទី ២៧ ខែធ្នូ ឆ្នាំ ២០២៤ នេះ លោក ណារ៉ូ និង កញ្ញា លីនដា បានដឹកដៃគ្នាចូលរោងអាពាហ៍ពិពាហ៍ បញ្ចប់នាមជាសង្សារ ក្លាយជាគូស្វាមីភរិយានឹងគ្នាហើយ។
ក្នុងនោះដែរ ក្រឡេកទៅមើលទិដ្ឋភាពក្នុងថ្ងៃសូត្រមន្ត នាថ្ងៃទី ២៦ ខែធ្នូ ឆ្នាំ ២០២៤ កន្លងទៅនេះវិញ អ្នកគាំទ្រក៏បានចែករំលែករូបភាពរបស់គូស្វាមីភរិយាថ្មីមួយគូនេះ ពេញបណ្តាញសង្គមហ្វេសប៊ុក និង Tik Tok ព្រមទាំងបង្ហាញអារម្មណ៍រំភើប អបអរដល់លោក ណារ៉ូ និង លីនដា ផងដែរ។
ម្យ៉ាងវិញទៀត ទិដ្ឋភាពក្នុងថ្ងៃសូត្រមន្តអាពាហ៍ពិពាហ៍របស់ Influencer ល្បីឈ្មោះទាំង ២ រូបខាងលើពោរពេញដោយស្នាមញញឹម រីឯកូនកំលោះ កូនក្រមុំគ្រងឈុតប្រពៃណីខ្មែរយ៉ាងស្រស់សង្ហា និង ស្រស់សោភាពិតជាស័ក្ដិសមគ្នាខ្លាំងណាស់។
សូមទស្សនាទិដ្ឋភាពក្នុងពិធីសូត្រមន្តដូចតទៅ ៖
រូបភាព៖ Nara Wedding
