នៅថ្ងៃទី ២៥ ខែធ្នូ ឆ្នាំ ២០២៤ នេះ រដ្ឋបាលខណ្ឌដូនពេញ បានបង្ហាញពីទិដ្ឋភាពពីលើអាកាស អំពីសម្រស់ដ៏ស្រស់ស្អាត នៃការរៀបចំពិធីដង្ហែក្បួនថ្នើរជើង សម្រាប់ព្រឹត្តិការណ៍ «សាទរកម្ពុជា» នៅថ្ងៃទី ៣១ ខែធ្នូ ឆ្នាំ ២០២៤ ខាងមុខនេះ នៅមុខព្រះបរមរាជវាំង ស្ថិតក្នុងសង្កាត់ជ័យជំនះ ខណ្ឌដូនពេញ រាជធានីភ្នំពេញ ដែលមានអ្នកចូលរួមប្រមាណ ៣០០០ នាក់។
សូមបញ្ជាក់ផងដែរថា ព្រឹត្តិការណ៍ «សាទរកម្ពុជា» ដែលរៀបចំទ្បើងដោយសហភាពសហព័ន្ធយុវជនកម្ពុជា មានកម្មវិធីពិសេសៗជាច្រើនដូចជា ការដង្ហែក្បួនដ៏អស្ចារ្យ ការសម្តែងសិល្បៈទស្សនីយភាពចម្រុះ ដែលមានសិល្បករសិល្បការិនីល្បីៗជាច្រើនរូប និង ការរាប់ថយក្រោយក្រោមពន្លឺកាំជ្រួចដ៏ស្រស់ស្អាតស្វាគមន៍ឆ្នាំថ្មី បូករួមការតុបតែងដ៏អស្ចារ្យជាច្រើនទៀត ក្នុងព្រឹត្តិការណ៍ដ៏ធំមួយនេះពុំធ្លាប់មានពីមុនមក នៅទីតាំងមុខព្រះបរមរាជវាំង រាជធានីភ្នំពេញ៕
សូមទស្សនាទិដ្ឋភាពរៀបចំដ៏ស្រស់ស្អាតទាក់ភ្នែកនៅខាងក្រោម ៖
រូបភាព ៖ រដ្ឋបាលខណ្ឌដូនពេញ
