Aum Atichart ចេញមុខប្រកែក ពាក់ព័ន្ធពាក្យចចាមអារ៉ាមបែកបាក់អតីតភរិយា Nat Myria ព្រោះជនទី ៣

នៅចុងឆ្នាំ ២០២៤ នេះ រឿងរ៉ាវការបែកបាក់ស្នេហារវាងគូស្វាមីភរិយា Aum Atichart និង Nat Myria បានធ្វើឱ្យមហាជនអ្នកគាំទ្រមានការភ្ញាក់ផ្អើលខ្លាំងណាស់ ថែមទាំងមិននឹកស្មាន ព្រោះអ្នកទាំងពីររួមរស់ជាមួយគ្នាមកជាង ១៥ ឆ្នាំទៅហើយ។

យ៉ាងណាមិញ រឿងរ៉ាវការបែកបាក់នេះ Nat Myria បានចេញមុខទម្លាយឱ្យដឹងមុន ប៉ុន្តែមិនបានប្រាប់ពីមូលហេតុច្បាស់លាស់ឡើយ ដែលធ្វើឱ្យមានពាក្យចចាមអារ៉ាមថា Aum Atichart អាចនឹងមានជនទីបី។ ដោយឡែក ថ្មីៗនេះ Aum Atichart  ក៏បានទម្លាយឱ្យដឹងទាក់ទងនឹងរឿងនេះម្តង នៅក្នុងកម្មវិធី Zepp Show កាលពីថ្ងៃទី ១៩ ខែធ្នូ ឆ្នាំ ២០២៤ នេះ ជាពិសេសគឺលោកបានឱ្យដឹងថា ​លោកមិនបានឈ្លោះទាស់ទែងគ្នាអ្វីធ្ងន់ធ្ងរ គឺបញ្ចប់ទៅដោយសម្រួល ហើយលោកក៏មិនមានជនទីបីអ្វីដែរ លោកមិនបានក្បត់ចិត្ត បើលោកធ្វើពិតមែនលោកនឹងព្រមទទួល។

Aum Atichart បន្តទៀតថា លោកពិតជាការសោកស្តាយចំពោះការបែកបាក់នេះ ប៉ុន្តែក៏ត្រូវទទួលយកការពិត លោកនៅតែប្រាថ្នាល្អចំពោះ Nat និង ព្យាយាមជួយមើលថែរក្សាជំងឺនាងដូចគ្នា។ ចុងក្រោយលោកបានឱ្យដឹងថា​ លោកមិនបានខឹងអ្វីនឹងមហាជនដែលបាននាំគ្នាមកជះកំហឹងលើលោកឡើយទាក់ទងនឹងការបែកបាក់នេះ ព្រោះលោកយល់ថាខ្លួនជាមនុស្សប្រុស និង ជាមេគ្រួសារ បើសិនជាមើលថែគ្រួសារមិនល្អ ក៏ត្រូវទទួលយកលទ្ធផលដែលនឹងតាមមក៕

ប្រភព៖ AMARINTV