ប្រិយមិត្តមួយចំនួនច្បាស់ជាបានស្គាល់លោកគ្រូចិនសែ ម៉ុង ហើយ ដែលលោកគឺជាគ្រូហុងស៊ុយបែបវិទ្យាសាស្ត្រមួយរូប តែងចែករំលែកពីក្បួនហុងស៊ុយ វិធីសាស្រ្ដសែនព្រេងបែបចិន និង គ្រឿងហុងស៊ុយផ្សេងៗ តាមរយៈផេក ហុងស៊ុយ ជាប្រយោជន៍សម្រាប់អ្នកចង់ស្វែងយល់ពីហុងស៊ុយក្នុងការរស់នៅប្រចាំថ្ងៃ ប្រចាំខែ និង ប្រចាំឆ្នាំជាដើម។
នៅព្រឹកថ្ងៃទី ១៤ ខែធ្នូ ឆ្នាំ ២០២៤ នេះ លោកគ្រូចិនសែ ម៉ុង ដែលកំពុងមានប្រជាប្រិយភាព តាមរយៈការចែករំលែកចំណេះដឹងហុងស៊ុយ និង រឿងរ៉ាវអមនុស្សដ៏ល្បី បានចែករំលែកនូវការដេញរឿងអពមង្គលចេញនាយប់នេះ ដោយចាប់ពីវេលាមោង ៥ ល្ងាច ដល់ម៉ោង ១០ យប់។
លោកគ្រូចិនសែ ម៉ុង បានជម្រាបថា៖ «យប់នេះ ដេញរឿងអពមង្គលទាំងអស់គ្នា៖ ថ្ងៃទី ១៤/១២/២០២៤ ចាប់ពីម៉ោង ៥ ល្ងាច ដល់ម៉ោង ១០ យប់ សូមបងធ្វើតាមការណែនាំខាងក្រោម ៖
គ្រឿង៖
– អំបិល ៣ ក្ដាប់ដៃ (អំបិលម៉ត់)
– អង្ករ ៣ ក្ដាប់ដៃ
– ក្រូចខ្វិច ២ ផ្លែ
– ទៀនក្រហម ១ គូ
– ធូបលឿន ៨ សសៃរ
របៀបធ្វើ៖
-យកអំបិល និងអង្ករ លាយចូលគ្នា ១ ចាន + យកក្រូចខ្វិច ២ គ្រប់ដាក់ ១ ចាន យកទៅដាក់នៅចំពីមុខទ្វារផ្ទះ តែផ្នែកខាងក្រៅផ្ទះ ដុតទៀន និង ដុតធូប រួចនិយាយដូចខាងក្រោម៖ «កូនចៅសូមធ្វើរំឭកដល់គុណទេវតា ដែលថែរក្សាទីតាំងភូមិឋាននេះ ថ្ងៃនេះកូនចៅសុំសែនលាងស៊យ លាងអពមង្គលទាំងឡាយចេញពីមុខផ្ទះ សំពះបីដង រួចដោតនៅលើក្រូចខ្វិច»។ លុះជិតអស់ធូបកាលណា ចាំយកអំបិល និង អង្ករបាចមុខផ្ទះ រួចយកក្រូចនោះទុកចោលមុខផ្ទះ ជាការស្រេច ហេងហេង។ ជំនឿបុគ្គល»៕
