តារាសម្តែងប្រុសល្បីឈ្មោះលោក ម៉ឺនឯក សុភារិទ្ធ ហាក់កាន់តែបោះជំហានយ៉ាងជោគជ័យនៅក្នុងវិស័យភាពយន្តខ្មែរ ដោយកន្លងមកនេះលោកបានសាងស្នាដៃតាមរយៈការសម្តែងរឿងជាច្រើន ដែលសុទ្ធសឹងក្ដោបតំណែងជាតួឯកប្រុសជាបន្តបន្ទាប់។
ម្យ៉ាងវិញទៀត តារាសម្តែងប្រុសរូបនេះ មិនត្រឹមតែត្រូវបានមហាជនចាប់អារម្មណ៍ចំពោះសមត្ថភាព ទេពកោលស្យក្នុងវិស័យសម្ដែងនោះទេ តែលោកក៏តែងទទួលបានការសរសើរជាមួយនឹងរូបសម្រស់ រូបរាងខ្ពស់ស្រស់សង្ហា ទម្រង់មុខខ្មែរ មានមន្តស្នេហ៍យ៉ាងទាក់ទាញ។
ដោយឡែក ស្របពេលកាន់តែទទួលបានប្រជាប្រិយភាព និង ទីផ្សារកាន់តែខ្លាំងក្នុងវិស័យសម្ដែង ថ្មីៗនេះ លោក ម៉ឺនឯក សុភារិទ្ធ ក៏បានធ្វើឱ្យមហាជន ជាពិសេសអ្នកគាំទ្ររបស់លោកហាក់ភ្ញាក់ផ្អើល និង មានការរំភើបចិត្តខ្លាំង ក្រោយពីទទួលដំណឹងថាលោកបានសម្រេចចិត្តប្រឡូកចូលក្នុងវិស័យបុរសឯកហើយ ដែលបានឃើញបង្ហាញវត្តមានដាក់ពាក្យចូលរួមប្រកួតក្នុងកម្មវិធី Mister Supranational Cambodia ឆ្នាំ ២០២៥។
នេះបើតាមហ្វេសប៊ុកផេករបស់ Mister Supranational Cambodia បានបង្ហោះបង្ហាញបេក្ខភាពនៃកម្មវិធីថា ៖ «????????????? ???????? ???? ??????????
ជាប់វគ្គជម្រុះតាមរយៈរូបថត ?????? លើកដំបូង :
ឈ្មោះ : មុឺនឯក សុភារិទ្ធ
អាយុ : 29ឆ្នាំ
កម្ពស់ : 1.80m
ទម្ងន់ : 75kg
កម្រិតភាសា : ភាសាខ្មែរ និង អង់គ្លេស
ទេពកោសល្យ : ច្រៀង សម្តែង និង ម៉ូដែល»។
ក្រោយពីបានឮដំណឹងនេះភ្លាម មហាជនអ្នកគាំទ្រ ក៏ដូចមិត្តអ្នកសិល្បៈជាច្រើន បានសម្ដែងនូវការគាំទ្រយ៉ាងពេញទំហឹង និង ជូនពរចំពោះតារាប្រុសរូបនេះ ជាមួយដំណើរការប្រកួតវិស័យបុរសឯកមួយនេះផងដែរ៕
