និយាយពីតារាចម្រៀងវ័យក្មេង ទេព ពិសិដ្ឋ ស្របពេលកំពុងឆក់បានសន្ទុះប្រជាប្រិយភាពខ្លាំងលើសមត្ថភាពរបស់ខ្លួនក្នុងវិស័យចម្រៀងក្នុងវ័យ ១៩ ឆ្នាំ ហើយអំឡុងពាក់កណ្ដាលឆ្នាំ ២០២៣ កន្លងទៅ តារាចម្រៀងវ័យក្មេងពេញដោយទេពកោលស្យរូបនេះ បានធ្វើឱ្យមហាជនអ្នកគាំទ្រចាប់អារម្មណ៍ពីជីវិតឯកជនរបស់លោកខ្លាំង ក្រោយពីឃើញលោកបើកបង្ហាញពីចំណងស្នេហ៍របស់ខ្លួនជាសាធារណៈជាមួយនារីស្រស់ស្អាតម្នាក់។
កន្លងមក មានរូបភាពជាច្រើនត្រូវបានបង្ហោះពីភាពផ្អែមល្ហែមរបស់តារាចម្រៀងវ័យក្មេងរូបនេះ ជាមួយនារីអ្នកក្រៅសិល្បៈម្នាក់ មានរូបសម្រស់ស្រស់ស្អាតណាស់។ ក្នុងនោះ លោក ទេព ពិសិដ្ឋ ក៏បានភ្ជាប់ជាមួយសារមួយឃ្លាយ៉ាងផ្អែមល្ហែមពីលើរូបភាពថា ៖ «don’t lose what u can’t replace»។
ដោយឡែក ក្រោយពីឃើញបើកបង្ហាញស្នេហាដ៏ផ្អែមល្ហែមជិត ១ ឆ្នាំ ស្រាប់តែថ្មីៗកន្លងទៅនេះ តារាចម្រៀងវ័យក្មេង ទេព ពិសិដ្ឋ បានទម្លាយរឿងរ៉ាវស្នេហាយ៉ាងភ្ញាក់ផ្អើលក្នុងកិច្ចសម្ភាស «អ្នកជិតខាង» បានឱ្យដឹងថា បច្ចុប្បន្នរូបលោកមិនមានស្នេហាទៀតទេ ដោយបានរស់នៅជីវិត Single ជាថ្មី ផ្ដោតតែរឿងការងារសិល្បៈចម្រៀងមួយរយៈធំមកហើយ។ ការលើកឡើងរបស់កំលោះ ពិសិដ្ឋ បានបង្ហាញយ៉ាងច្បាស់ថា ពេលនេះលោកមិនបានជាប់ជំពាក់បេះដូងជាមួយនារីរូបណាទៀតឡើយ៕ សូមចុចទីនេះដើម្បីទស្សនាវីដេអូ៖
