និយាយពីកញ្ញា នៀន នៀន ដ្បិតតែក្នុងកម្មវិធីប្រកួត Miss Queen Cambodia ប្រចាំឆ្នាំ ២០២៤ កាលពីពេលកន្លងទៅ នាងមិនបានឈ្នះមកុដ Miss Queen Cambodia 2024 មែន តែពេលនោះកញ្ញាក៏ទទួលបានជ័យលាភី Grand Winner Miss Queen Cambodia 2024 ដែលនឹងក្លាយជាម្ចាស់ជ័យលាភីគ្រងមកុដនៃកម្មវិធីប្រកួតសម្រស់ដ៏ថ្មីសន្លាងមួយ គឺ Miss Star Cambodia 2024។
ក្នុងនោះ ម្ចាស់ជ័យលាភីគ្រងមកុដ Miss Star Cambodia 2024 កញ្ញា នៀន នៀន នឹងក្លាយជាបវរកញ្ញាភេទទី ៣ កម្ពុជាដំបូងគេ ដែលត្រូវត្រៀមខ្លួនដើម្បីតំណាងឱ្យកម្ពុជាទៅប្រកួតលើឆាកអន្តរជាតិ Miss Star International នៅទ្វីបអាមេរិកខាងត្បូង គឺប្រទេសប្រេស៊ីល អំឡុងខែធ្នូ ឆ្នាំ ២០២៤ នេះ។
យ៉ាងណាមិញ ក្រោយពីគ្រងមកុដ Miss Star Cambodia 2024 និង បានត្រៀមខ្លួនរយៈពេលប៉ុន្មានខែ មកដល់ព្រឹកថ្ងៃទី ៤ ខែធ្នូ ឆ្នាំ ២០២៤ នេះ បវរកញ្ញាភេទទី ៣ នៀន នៀន ក៏បានចេញដំណើរទៅកាន់ប្រទេសប្រេស៊ីលហើយ ដើម្បីតំណាងប្រទេសចូលរួមប្រកួតលើឆាកអន្តរជាតិ Miss Star International 2024។
ក្នុងដំណើរទៅកាន់ឆាកអន្តរជាតិនេះដែរ បវរកញ្ញាភេទទី ៣ កញ្ញា នៀន នៀន កំពុងទទួលបានការគាំទ្រលើកទឹកចិត្តពីមហាជនអ្នកគាំទ្រវិស័យបវរកញ្ញាជាច្រើន និង ជូនពរឱ្យនាងទទួលបានជោគជ័យនាំយកលទ្ធផលល្អមកកាន់មាតុភូមិវិញផងដែរ៕
