មហាជននិយមតាមដានគ្រួសាររបស់កំពូលតារាចម្រៀងប្រុស គឺឧកញ៉ា ព្រាប សុវត្ថិ ច្បាស់ជាបានជ្រាបហើយពីកូនប្រុសទាំង ៣ របស់ឧកញ៉ា ដែលសុទ្ធសឹងតែជាតារាចម្រៀងជំនាន់ថ្មី មានទេពកោសល្យ ទទួលបានការគាំទ្រខ្លាំងមិនចាញ់លោកឪពុកនោះឡើយ។
ក្នុងនោះ ក្រឡេកទៅមើលកូនពៅរបស់ឧកញ៉ា ព្រាប សុវត្ថិ គឺលោក សុវត្ថិ សិរីវុឌ្ឍ វិញ មួយរយៈចុងក្រោយនេះ តារាចម្រៀងវ័យក្មេងរូបនេះ កាន់តែបំបុកទីផ្សារសិល្បៈកាន់តែខ្លាំង ដោយក្នុងនោះ សុវត្ថិ សិរីវុឌ្ឍ បានបង្ហាញវត្តមានលើឆាកប្រគំតន្ត្រីធំៗជាច្រើនស្ទើរទូទាំងប្រទេសកម្ពុជា។
ជាការពិត សុវត្ថិ សិរីវុឌ្ឍ មិនត្រឹមតែមានទេពកោសល្យផ្នែកច្រៀងដូចលោកឪពុកនោះទេ តែកូនប្រុសពៅរបស់ឧកញ៉ា ព្រាប សុវត្ថិ រូបនេះមានទេពកោសល្យទៅលើការរាំ និង តន្ត្រីទៀតផង ដោយលោក សុវត្ថិ សិរីវុឌ្ឍ អាចនិពន្ធទំនុកភ្លេង ទំនុកច្រៀងផងដែរ។
យ៉ាងណាមិញ ថ្មីៗនេះ សុវត្ថិ សិរីវុឌ្ឍ បានធ្វើឱ្យអ្នកគាំទ្រសរសើរយ៉ាងខ្លាំង ដោយតារាចម្រៀងវ័យក្មេងរូបនេះ បានបង្ហាញសមត្ថភាពលេងចាប៉ីដងវែងលើកឆាកតន្ត្រីក្នុងបទ «សែកមន្ត» ច្រៀងដោយឧកញ៉ា ព្រាប សុវត្ថិ ជាឪពុក។ ក្នុងនោះ អ្នកគាំទ្របានសរសើរថា លោក សុវត្ថិ សិរីវុឌ្ឍ ពិតជាមានទេពកោសល្យសិល្បៈពហុជំនាញមែន៕
