កាលពីថ្ងៃទី ២៥ ខែវិច្ឆិកា ឆ្នាំ ២០២៤ កន្លងទៅនេះ អ្នកគាំទ្រវិស័យបវរកញ្ញា ជាពិសេស អ្នកគាំទ្រកម្មវិធី Miss Global Cambodia 2024 មានការចាប់អារម្មណ៍យ៉ាងខ្លាំង បន្ទាប់ពីផេកផ្លូវការ Miss Global Cambodia បានប្រកាសថា បវកញ្ញា Top 6 Miss Global Cambodia 2024 នឹងមានម្នាក់ក្លាយទៅជា Miss Tourism Cambodia 2024 ទៅចូលរួមប្រកួតនៅឯប្រទេសម៉ាឡេស៊ី។
ក្នុងនោះដែរ អ្នកគាំទ្រក៏ទន្ទឹងរង់ចាំ ចង់ដឹងថា តើក្នុងចំណោម Top 6 តើបវរកញ្ញារូបណា ទទួលបានតំណែង Miss Tourism Cambodia 2024 តំណាងកម្ពុជាប្រកួតលើឆាកអន្តរជាតិនោះ។
យ៉ាងណាមិញ ស្រាប់តែនៅថ្ងៃទី ២៦ ខែវិច្ឆិកា ឆ្នាំ ២០២៤ កញ្ញា សារុំ ចន្ថា លំដាប់រងទី ២ Miss global Cambodia 2024 បានបង្ហោះសារបញ្ជាក់ ថានាងបានទទួលតំណែងខាងលើពីស្ថាប័ន ប៉ុន្តែដោយពេលវេលាប្រថុចញ៉ុចពេក នាងបានបោះបង់តំណែងនេះ និង ត្រូវផ្ទេរតំណែងទៅកាន់បវរកញ្ញាផ្សេងទៀត។
ក្រោយពីចេញមុខមកបញ្ជាក់ពីការមិនអាចចូលរួមប្រកួតរបស់លំដាប់រងទី ២ Miss Global Cambodia 2024 ហើយនោះ ទីបំផុតស្ថាប័នបានរកឃើញម្ចាស់មកុដ Miss Tourism Cambodia 2024 ហើយ គឺបានទៅលើលំដាប់រងទី ៥ Miss Global Cambodia 2024 កញ្ញា Lim Laura។ ក្នុងនោះ កញ្ញា Lim Luara នឹងចាកចេញទៅប្រកួតនៅម៉ាឡេស៊ីនាថ្ងៃទី ២៩ ខែវិច្ឆិកា ឆ្នាំ ២០២៤ ស្អែកនេះ។
តាមរយៈផេកផ្លូវការរបស់ Miss Global Cambodia បានរៀបរាប់ឱ្យដឹងថា៖ « Welcome to Miss Tourism Cambodia 2024 Miss. Lim Laura ! អរគុណ Miss Tourism Cambodia 2024 គាត់ស្វាហាប់ណាស់ ដើម្បីចេញទៅប្រកួតសម្រាប់ Cambodia 3 days គាត់អាចធ្វើបានចេញមកពីការតាំងចិត្តរបស់គាត់។ -Passport -រៀបចំសម្លៀកបំពាក់តាម Handbook -បំពេញឯកសារតាមក្រុមហ៊ុនចង់បាន អ្វីៗបានរៀបចំអស់ហើយនៅតែថ្ងៃចេញដំណើរ ២៩/១១/២០២៤ ម៉ោង ៦ ល្ងាច»៕
