ក្រោយដំណើរការប្រកួតលើទឹកដីកម្ពុជាជាម្ចាស់ផ្ទះ រយៈពេលជាង ១ សប្ដាហ៍ កម្មវិធីអន្តរជាតិ Miss Planet International 2024 លើកទី ៤ កាន់តែកៀកថ្ងៃប្រកួតវគ្គផ្ដាច់ព្រ័ត្រហើយ គឺធ្វើឡើងនៅថ្ងៃទី ២៧ ខែវិច្ឆិកា ឆ្នាំ ២០២៤ ខាងមុខនេះ។
យ៉ាងណាមិញ មុនឈានដល់វគ្គប្រកួតផ្ដាច់ព្រ័ត្រ នៅយប់ថ្ងៃទី ២៥ ខែវិច្ឆិកា ឆ្នាំ ២០២៤ ម្សិលមិញនេះ កម្មវិធី Miss Planet International 2024 ក៏រៀបចំកម្មវិធីស្វាគមន៍បវរកញ្ញាឯកភពផែនដីអន្តរជាតិជាផ្លូវការ បែបកម្មវិធី Gala Dinner ក្នុងផ្ទះវីឡាដ៏ធំមួយ ដោយកម្មវិធីមានការរៀបចំយ៉ាងស្អាតប្រណីត មានម្ហូបអាហារបែបខ្មែរ និង រៀបចំវេទិកាមានការសម្ដែងនូវរបាំបុរាណខ្មែរជាច្រើនទម្រង់ជាការស្វាគមន៍ដល់បវរកញ្ញាទាំង ៦៥ ប្រទេស។
អ្វីកាន់តែចាប់អារម្មណ៍ និង គួរឱ្យសរសើរទៀតនោះ ក្នុងកម្មវិធី Gala Dinner នេះដែរ កម្មវិធី Miss Planet International 2024 ក៏បានរៀបចំនូវការរាំកម្សាន្តសប្បាយៗសម្រាប់បេក្ខភាពបវរកញ្ញាទាំងអស់ មានទាំងចង្វាក់បែបសម័យ និង បុរាណខ្មែរ ជាពិសេសគឺឃើញមានការលើកយករបាំជាប្រជាប្រិយខ្មែរ «របាំគោះអង្រែ» បង្រៀនឱ្យបេក្ខភាពបវរកញ្ញានីមួយៗរាំលេងតាមយ៉ាងរីករាយទៀតផង៕ សូមចុចទីនេះដើម្បីទស្សនាវីដេអូ៖
