ប្រិយមិត្តអ្នកគាំទ្រវិស័យសិល្បៈមួយចំនួនបានជ្រាបរួចមកហើយថា កាលពីថ្ងៃទី ២០ វិច្ឆិកា កន្លងទៅ កំលោះសង្ហាជាតារាសម្ដែងសម្បូរដោយប្រជាប្រិយភាពរបស់ថៃ លោក Mike Pattaradet បានធ្វើដំណើរកម្សាន្តមកកាន់ទឹកដីប្រទេសកម្ពុជាយើងជាច្រើនថ្ងៃ។
ក្នុងដំណើរកម្សាន្តនេះ Mike Pattaradet បានដើរលេងក្នុងទីក្រុងភ្នំពេញ និង បានដើរភ្លក់ម្ហូបខ្មែរយើងជាច្រើនកន្លែង។ តាមការសង្កេតឃើញសកម្មភាពរបស់ Mike នៅលើទឹកដីកម្ពុជាយើងប៉ុន្មានថ្ងៃនេះ លោកពិតជាចូលចិត្តកម្ពុជាយើងណាស់ ទាំងម្ហូបអាហារសុទ្ធតែឆ្ងាញ់ៗ ចំណែកឯប្រជាជនខ្មែរយើង ក៏មានតែស្នាមញញឹមរួសរាយរាក់ទាក់។
បើរំឭកពេលតារាសម្ដែងជួរមុខ Mike Pattaradet បានទៅដើរលេងនៅផ្សារធំថ្មី របស់ប្រទេសកម្ពុជាយើង ឃើញថា Mike ពិតជារីករាយ មានស្នាមញញឹមជាប់ជានិច្ច ជាមួយនឹងអ្នកគាំទ្រមានភាពរួសរាយ ព្រមទាំងការស្វាគមន៍តារាប្រុសរូបនេះយ៉ាងកក់ក្ដៅ។
ដោយឃើញពីទឹកចិត្ត ក៏ដូចជាស្នាមញញឹមប្រជាជនខ្មែរយើងរាក់ទាក់ទទួលភ្ញៀវបែបនេះ Mike បានសន្យាថានឹងត្រលប់មកកម្ពុជាម្ដងទៀតនៅឆ្នាំក្រោយ លើសពីនេះ Mike ថែមទាំងបង្ហោះប្រាប់ពិភពលោកពីកម្ពុជាទៀតថា ៖ «អរគុណច្រើនសម្រាប់ការស្វាគមន៍យ៉ាងកក់ក្តៅរបស់អ្នក។ ជួបគ្នាពេលក្រោយទៀត»៕
