EDC ជូនដំណឹង! ចាប់ពីស្អែកដល់ថ្ងៃទី ២៤ វិច្ឆិកា ខណ្ឌមួយចំនួននៅភ្នំពេញ អាចដាច់អគ្គិសនីប្រើប្រាស់តាមពេលវេលានេះ

នៅថ្ងៃទី ២០ ខែវិច្ឆិកា ឆ្នាំ ២០២៤ នេះ អគ្គិសនីកម្ពុជា បានជូនដំណឹងស្ដីពីការអនុវត្តការងារជួសជុល ផ្លាស់ប្ដូរដំឡើងបរិក្ខារនានា និង រុះរើគន្លងខ្សែបណ្ដាញអគ្គិសនី របស់អគ្គិសនីកម្ពុជា ដើម្បីបង្កលក្ខណៈងាយស្រួលដល់ការដ្ឋានពង្រីកផ្លូវ ដែលធ្វើឱ្យមានបញ្ហារអាក់រអួលចរន្តអគ្គិសនីប្រើប្រាស់នៅតំបន់មួយចំនួនទៅតាមពេលវេលា ចាប់ពីថ្ងៃទី ២១ ខែវិច្ឆិកា ឆ្នាំ ២០២៤ ស្អែកនេះ ដល់ថ្ងៃទី ២៤ ខែវិច្ឆិកា ឆ្នាំ ២០២៤។

ក្នុងនោះ អគ្គិសនីកម្ពុជា បានបញ្ជាក់ថា បើទោះបីជាមានការខិតខំថែរក្សាមិនឱ្យមានការប៉ះពាល់ដល់ការផ្គត់ផ្គង់អគ្គិសនីធំដុំក៏ដោយ ប៉ុន្តែការផ្គត់ផ្គង់ចរន្តអគ្គិសនីនៅតំបន់ខាងលើ អាចនឹងមានការរអាក់រអួលខ្លះៗជៀសមិនផុតដោយស្នើសុំអភ័យទោសទុកជាមុន ខណៈតំបន់ដែលនឹងមានផលប៉ះពាល់នោះមានដូចជា ៖

១. ថ្ងៃទី ២១ ខែវិច្ឆិកា ឆ្នាំ ២០២៤ ៖

• ក្នុងចន្លោះម៉ោង ៨ ដល់ម៉ោង ១៣ ៖ មានខណ្ឌបឹងកេងកង
• ក្នុងចន្លោះម៉ោង ៨ ដល់ម៉ោង ១៦ ៖ មានខណ្ឌសែនសុខ

២. ថ្ងៃទី ២២ ខែវិច្ឆិកា ឆ្នាំ ២០២៤ ៖

• ក្នុងចន្លោះម៉ោង ៨ ដល់ម៉ោង ១៣ ៖ មានខណ្ឌពោធិ៍សែនជ័យ
• ក្នុងចន្លោះម៉ោង ៨ ដល់ម៉ោង ១៦ ៖ មានខណ្ឌជ្រោយចង្វារ ខណ្ឌសែនសុខ ខណ្ឌពោធិ៍សែនជ័យ ខណ្ឌព្រែកព្នៅ

៣. ថ្ងៃទី ២៣ ខែវិច្ឆិកា ឆ្នាំ ២០២៤ ៖

• ក្នុងចន្លោះម៉ោង ៨ ដល់ម៉ោង ១៦ ៖ មានខណ្ឌឬស្សីកែវ ខណ្ឌច្បារអំពៅ ខណ្ឌមានជ័យ និង ខណ្ឌកំបូល

៤. ថ្ងៃទី ២៤ ខែវិច្ឆិកា ឆ្នាំ ២០២៤ ៖

• ក្នុងចន្លោះម៉ោង ៨ ដល់ម៉ោង ១៦ ៖ មានខណ្ឌសែនសុខ និង ខណ្ឌពោធិ៍សែនជ័យ

សូមអានសេចក្ដីលម្អិតបន្ថែមនៅខាងក្រោម ៖