បើទោះជាកម្មវិធីប្រកួតចម្អិនម្ហូបលំដាប់ពិភពលោក MasterChef Cambodia រដូវកាលទី ៣ បានបញ្ចប់ និង បានរកឃើញម្ចាស់ពានបានទៅលោក ឃួន សំអន ហើយក្តី តែបេក្ខជនឆ្នើមទាំងអស់នៃកម្មវិធីនេះ នៅតែបន្តការគាំទ្រដល់ពួកគេដូចដើម។
ក្នុងនោះដែរ ក្រឡេកទៅមើល លោក សំ សុធារិទ្ធ និង កញ្ញា ប៊ុន លីនណា ក៏ដូចគ្នាដែរ គឺប្រុសសង្ហា ស្រីស្អាតមួយគូនេះ ត្រូវបានអ្នកគាំទ្រចំអន់ថា អ្នកទាំង ២ មើលទៅបង្ហាញភាពស្និទ្ធស្នាល មិនចាញ់គូរបស់កញ្ញា ឆៃ តារាម៉ាលីន និង លោក ចៅ ដាឡែត នោះឡើយ។
ជាការពិតណាស់ បើទោះជាការបង្ហើបពីទំនាក់ទំនងហាក់លើសពីមិត្តរួមការប្រកួតនៅស្រពិចស្រពិលនៅឡើយ តែអ្នកគាំទ្រឃើញថា លោក សុធារិទ្ធ និង កញ្ញា លីនណា រមែងទៅណាមកណាជាមួយគ្នា បើទោះជាមិនមែនជារឿងការងារក្តី។
ម្យ៉ាងវិញទៀត មួយរយៈក្រោយនេះ បើទោះជាការប្រកួតបានបញ្ចប់ហើយក្តី តែលោក សុធារិទ្ធ និង កញ្ញា លីនណា បានបង្ហាញភាពស្និទ្ធស្នាលនឹងគ្នាខ្លាំង គឺនៅក្បែរគ្នាគ្រប់ពេលតែម្តង៕
សូមចុចទីនេះ ដើម្បីទស្សនាវីដេអូ៖
