EDC ជូនដំណឹង! ចាប់ពីស្អែក ដល់ថ្ងៃទី ១០ វិច្ឆិកា ខណ្ឌមួយចំនួននៅភ្នំពេញ អាចរអាក់រអួលអគ្គិសនីប្រើប្រាស់ ចន្លោះពេលវេលានេះ

នៅថ្ងៃទី ០៦ ខែវិច្ឆិកា ឆ្នាំ ២០២៤ នេះ អគ្គិសនីកម្ពុជា បានជូនដំណឹងស្ដីពីការអនុវត្តការងារជួសជុល ផ្លាស់ប្ដូរដំឡើងបរិក្ខារនានា និង រុះរើគន្លងខ្សែបណ្ដាញអគ្គិសនី របស់អគ្គិសនីកម្ពុជា ដើម្បីបង្កលក្ខណៈងាយស្រួលដល់ការដ្ឋានពង្រីកផ្លូវ ដែលធ្វើឱ្យមានបញ្ហារអាក់រអួលចរន្តអគ្គិសនីប្រើប្រាស់នៅតំបន់មួយចំនួនទៅតាមពេលវេលា ចាប់ពីថ្ងៃទី ០៧ ខែវិច្ឆិកា ឆ្នាំ ២០២៤ ស្អែកនេះ ដល់ថ្ងៃទី ១០ ខែវិច្ឆិកា ឆ្នាំ ២០២៤។

ក្នុងនោះ អគ្គិសនីកម្ពុជា បានបញ្ជាក់ថា បើទោះបីជាមានការខិតខំថែរក្សាមិនឱ្យមានការប៉ះពាល់ដល់ការផ្គត់ផ្គង់អគ្គិសនីធំដុំក៏ដោយ ប៉ុន្តែការផ្គត់ផ្គង់ចរន្តអគ្គិសនីនៅតំបន់ខាងលើ អាចនឹងមានការរអាក់រអួលខ្លះៗជៀសមិនផុតដោយស្នើសុំអភ័យទោសទុកជាមុន ខណៈតំបន់ដែលនឹងមានផលប៉ះពាល់នោះមានដូចជា ៖

១. ថ្ងៃទី ០៧ ខែវិច្ឆិកា ឆ្នាំ ២០២៤ ៖

• ក្នុងចន្លោះម៉ោង ៨ ដល់ម៉ោង ១៦ ៖ មានខណ្ឌបឹងកេងកង និង ខណ្ឌព្រែកព្នៅ

២. ថ្ងៃទី ០៨ ខែវិច្ឆិកា ឆ្នាំ ២០២៤ ៖

• ក្នុងចន្លោះម៉ោង ៨ ដល់ម៉ោង ១៣ ៖ មានខណ្ឌទួលគោក ខណ្ឌពោធិ៍សែនជ័យ
• ក្នុងចន្លោះម៉ោង ៨ ដល់ម៉ោង ១៦ ៖ មានខណ្ឌមានជ័យ ខណ្ឌសែនសុខ ខណ្ឌឬស្សីកែវ ខណ្ឌព្រែកព្នៅ

៣. ថ្ងៃទី ០៩ ខែវិច្ឆិកា ឆ្នាំ ២០២៤ ៖

• ក្នុងចន្លោះម៉ោង ៨ ដល់ម៉ោង ១៣ ៖ មានខណ្ឌច្បារអំពៅ
• ក្នុងចន្លោះម៉ោង ៨ ដល់ម៉ោង ១៦ ៖ មានខណ្ឌចំការមន ខណ្ឌមានជ័យ

៤. ថ្ងៃទី ១០ ខែវិច្ឆិកា ឆ្នាំ ២០២៤ ៖

• ក្នុងចន្លោះម៉ោង ៨ ដល់ម៉ោង ១៦ ៖ មានខណ្ឌមានជ័យ ខណ្ឌដង្កោ និង ខណ្ឌច្បារអំពៅ៕

សូមអានសេចក្ដីលម្អិតបន្ថែមនៅខាងក្រោម ៖