មហាជនតាមដានទស្សនាកម្មវិធី MasterChef Cambodia រដូវកាលទី ៣ ច្បាស់ជាបានជ្រាបហើយថា កាលពីវគ្គពាក់កណ្តាលផ្តាច់ព្រ័ត្រកន្លងទៅ បេក្ខជន ដែលបានចាកចេញ គឺលោក សំ សុធារិទ្ធ និង កញ្ញា ប៊ុន លីនណា។ ក្នុងនោះ ការចាកចេញរបស់បេក្ខជនទាំង ២ នៅតែជាការសោកស្តាយក្នុងចិត្តរបស់អ្នកគាំទ្រមិនដាច់នោះឡើយ។
ដោយឡែក ក្រឡេកទៅមើលមិត្តភាពឯណោះវិញ អ្នកគាំទ្រក៏ចាប់អារម្មណ៍នឹងបេក្ខនារី ២ រូប គឺកញ្ញា ឆៃ តារាម៉ាលីន និង កញ្ញា ប៊ុន លីនណា ដែលស្រឡាញ់រាប់អានគ្នាខ្លាំងដូចជាបងប្អូន។ ជាក់ស្តែង ការចាកចេញរបស់កញ្ញា លីនណា បានធ្វើឱ្យកញ្ញា ម៉ាលីន មិនរីករាយនោះឡើយ បើទោះជានាងបានឡើងទៅកាន់វគ្គផ្តាច់ព្រ័ត្រក្តី។
យ៉ាងណាមិញ ថ្មីៗនេះ អ្នកលេងបណ្តាញសង្គម Tik Tok ក៏ដូចជាកញ្ញា លីនណា ផ្ទាល់ បានចែករំលែកនូវវីដេអូរបស់អតីតបេក្ខភាពឆ្នើមកាលពីរដូវកាលទី ១ គឺ អ្នកនាង សន្យា និង អ្នកនាង កញ្ញា មកបង្ហោះជាថ្មី ដោយម្នាក់ៗបានប្រៀបធៀបថា មិត្តភាពរបស់ អ្នកនាង សន្យា និង អ្នកនាង កញ្ញា គឺដូចទៅនឹង កញ្ញា ម៉ាលីន និង កញ្ញា លីនណា ណាស់៕
សូមចុចទីនេះ ដើម្បីទស្សនាវីដេអូ៖
