នៅថ្ងៃទី ១០ ខែវិច្ឆិកា ឆ្នាំ ២០២៤ ខាងមុខនេះ កម្មវិធី MasterChef Cambodia រដូវកាលទី ៣ នឹងឈានដល់វគ្គផ្តាច់ព្រ័ត្រនាររដូវកាលទី ៣ នេះហើយ ខណៈ Top 3 រួមមាន កញ្ញា ម៉ាលីន, អ្នកនាង លីនដា និង លោក សំអន។
ក្នុងនោះដែរ អ្នកគាំទ្រកាន់តែអន្ទះសាចង់ដឹងទៀតថា តើបេក្ខជនឆ្នើមរូបណានឹងអាចលើកពាន MasterChef Cambodai រដូវកាលទី ៣ នេះ? ស្របគ្នាជាមួយនឹងមានអ្នកគាំទ្រជាច្រើនទៀតបានដាក់ក្តីសង្ឃឹមលើ Idol របស់ខ្លួន គឺជាម្ចាស់ជ័យលាភីគ្រប់ៗគ្នា។
ដោយឡែក ស្របពេលការទន្ទឹងអ៊ុតមើលតើបេក្ខជនរូបណានឹងលើកពានដែលចូលមកដល់នាចុងសប្តាហ៍នេះ ស្រាប់តែផ្ទុះការវែកញែកក្រោយពីមានគណនី Tik Tok មួយបានបង្ហោះវីដេអូសកម្មភាពរបស់ សំអន កំពុងចម្អិនអាហារក្នុងចង្ក្រានបាយដ៏ទំនើបមួយនឹងចុងភៅជាច្រើនរូប។ លើសពីនោះ គណនី Tik Tok នោះក៏បាន Spoil ថា សំអន គឺជាម្ចាស់ពាន MasterChef Cambodia រដូវកាលទី ៣ ទៀតផង។
ក្រោយពីចែករំលែកវីដេអូ និង Spoil ហើយនោះ ក៏មានអ្នកលេងបណ្តាញសង្គម Tik Tok ជាច្រើន ផ្ទុះការវែកញែក និង ខ្លះបានលើកឡើងថាមិនគួរមក Spoil បែបនេះនោះឡើយ បើទោះជារឿងនេះ ជាការពិត ឬ ក៏មិនពិតក្តី៕
សូមចុចទីនេះ ដើម្បីទស្សនាវីដេអូ៖
