អតីតបេក្ខភាពកម្មវិធីប្រកួតធ្វើម្ហូបដ៏ល្បី MasterChef Cambodia រដូវកាលទី ៣ គឺអ្នកនាង តាំង យូជីញ បានដឹកដៃគូដណ្ដឹងសំណព្វចិត្តចូលរោងការតាមប្រពៃណីនៅខេត្តសៀមរាប ដែលជាស្រុកកំណើតរបស់នាងពោរពេញដោយក្ដីសុខ នៅថ្ងៃទី ២ ខែវិច្ឆិកា ឆ្នាំ ២០២៤។
នៅក្នុងពិធីមង្គលការរបស់ តាំង យូជីញ គេក៏កត់សម្គាល់ឃើញមានភ្ញៀវកិត្តិយសចូលរួមយ៉ាងអធិកអធម ជាពិសេសកូនក្រមុំដ៏ស្រស់សោភារូបនេះ ក៏បានអញ្ជើញបេក្ខភាព MasterChef រួមជំនាន់ជាច្រើនរូប ទៅចូលរួមមង្គលការរបស់អ្នកនាងផងដែរដូចជាអ្នកនាង លីនដា លោក វីល្លៀម អ្នកនាង ស្រីភក្រ្ត លោក ឧត្តុង និង អតីតបេក្ខភាព MasterChef Cambodia ប៉ុន្មានរូបទៀត។
កាលនៅជាបេក្ខជនប្រកួតធ្វើម្ហូបក្នុងកម្មវិធីខាងលើ តាំង យូជីញ ជាបេក្ខជនមួយរូបដែលមានភាពលេចធ្លោ រហ័សរហួន ហើយក៏ត្រូវបានគេចាត់ទុកជាបេក្ខជនដែលមានថ្វីដៃមួយរូបដែរ ប៉ុន្ដែគួរឱ្យស្ដាយ យូជីញ ត្រូវជម្រុះចេញពីកម្មវិធីនៅក្នុងសប្ដាហ៍ទី ១៦។ ដោយឡែករឿងដែលធ្វើឱ្យមហាជនភ្ញាក់ផ្អើលនោះគឺ គ្រាន់តែចាកចេញពីកម្មវិធីមិនបានប៉ុន្មានផង កូនក្រមុំកាត់ចិនរូបនេះ បានស្លៀកឈុតមង្គលការក្លាយជាកូនក្រមុំដ៏ស្រស់ស្អាតបាត់ទៅហើយ៕
