នៅថ្ងៃទី ០៤ ខែវិច្ឆិកា ឆ្នាំ ២០២៤ នេះ ក្រោយរង់ចាំវេលាល្អច្រើនខែ ពិធីការិនី សុភ័ក្រ្ត កុសុម៉ា ក៏បានក្លាយជាកូនក្រមុំដ៏ស្រស់ស្អាតក្នុងរោងជ័យហើយ ដែលគេឃើញថាកម្មវិធីសិរីមង្គលរបស់នាង និង គូដណ្ដឹងបានរៀបចំឡើងយ៉ាងស្អាតប្រណីតអធិកអធមខ្លាំង មានវត្តមានរបស់បងប្អូន មិត្តអ្នកសិល្បៈជាច្រើនអញ្ជើញចូលរួមអបអរពេញដោយស្នាមញញឹម និង រំភើបចិត្តជំនួសអ្នកទាំងពីរ។
បើក្រឡេកទៅមើលទិដ្ឋភាពនាពេលល្ងាចជាកម្មវិធីជប់លៀងនៃថ្ងៃមង្គលនេះ ឃើញថាមានការរៀបចំកាន់តែប្រណីត និង ត្រជាក់ភ្នែកខ្លាំងនៃបរិវេណរោងការទាំងមូល និង ឃើញមានវត្តមានរបស់តារាល្បីៗជាច្រើនដួងចូលរួមជាភ្ញៀវកិត្តិយសធ្វើការអបអរដល់ថ្ងៃមង្គលរបស់តារាស្រីរូបនេះ។
អ្វីកាន់តែគួរឱ្យចាប់អារម្មណ៍ និង ធ្វើឱ្យមហាជនអ្នកគាំទ្ររំភើបជំនួសនោះ ក្នុងទិដ្ឋភាពនៃកម្មវិធីកាត់នំក្នុងថ្ងៃមង្គលនេះ ដែលកូនក្រមុំ បានរៀបចំ Surprise ស្វាមីយ៉ាងពិសេសៗ ដោយ កុសុម៉ា បានលើកយកបទចម្រៀងដែលនិពន្ធសម្រាប់ថ្ងៃមង្គលការរបស់នាងច្រៀងជូនស្វាមីដោយផ្ទាល់ ពីរោះ និង ពេញដោយក្ដីសុខលាយជាមួយនឹងទឹកភ្នែកនៃក្ដីរំភើបចិត្តទាំងគូ៕
សូមទស្សនាវីដេអូខាងក្រោម៖
