ពិតណាស់ ក្នុងថ្ងៃសិរីមង្គលរបស់ពិធីការិនីល្បីឈ្មោះ សុភ័ក្រ្ត កុសុម៉ា និង ស្វាមី នៅព្រឹកថ្ងៃទី ៤ ខែវិច្ឆិកា ឆ្នាំ ២០២៤ នេះ បានរៀបចំឡើងយ៉ាងធំដុំ និង ស្អាតប្រណីតខ្លាំង ដែលបានធ្វើពិធីមង្គលតាមប្រពៃណីជាច្រើននៅព្រឹកមិញនេះ។
ក្នុងពិធីផ្សេងៗនៃអាពាហ៍ពិពាហ៍របស់ពិធីការិនី និង ស្វាមី ទាំងកម្មវិធីហែជំនូន កម្មវិធីសែនចងដៃ និង កម្មវិធីកាត់សក់ ក៏ឃើញមានវត្តមានរបស់បងប្អូន សាច់ញាតិ ក៏ដូចជាមិត្តអ្នកសិល្បៈចូលរួមច្រើនកុះករផងដែរ។
អ្វីដែលកាន់តែចាប់អារម្មណ៍ទៀត ក្នុងកម្មវិធីកាត់សក់បង្កក់សិរីរបស់ សុភ័ក្រ្ត កុសុម៉ា និង ស្វាមីព្រឹកមិញនេះ ក៏បានឃើញវត្តមានរបស់សិល្បករជើងចាស់ យាយយ៉យ ដែលបានចូលរួមអបអរ និង បានច្រៀងកាត់សក់ដោយផ្ទាល់ឱ្យ កុសុម៉ា និង ស្វាមី។
ចំពោះវត្តមានរបស់ យាយយ៉យ បានច្រៀងកាត់សក់ដោយផ្ទាល់នេះដែរ តាមការរៀបរាប់ក្នុងវីដេអូរបស់ នាយ ព្រែក បានឱ្យដឹងថា សិល្បករជើងចាស់ យាយយ៉យ ចាត់ទុក កុសុម៉ា ជាមនុស្សសំខាន់ និង ស្រឡាញ់រាប់អានខ្លាំងទាំងគ្រួសារ ទើប យាយយ៉យ សុខចិត្តលើកពេលវេលាធ្វើដំណើរទៅសហរដ្ឋអាមេរិក ព្រោះតែរង់ចាំកាត់សក់ថ្ងៃមង្គលរបស់ កុសុម៉ា សិន ម្យ៉ាវិញទៀត សិល្បការិនីរៀមច្បងរូបនេះ ក៏ចង់នៅជូនពរថ្ងៃពិសេសរបស់ក្មួយស្រី ដែលជាមិត្តល្អរបស់កូនប្រុសដោយផ្ទាល់ផងដែរ៕
សូមទស្សនាវីដេអូខាងក្រោម៖
