កាលពីថ្ងៃទី ២ និង ទី ៣ ខែវិច្ឆិកា ឆ្នាំ ២០២៤ មហាជនច្បាស់ជាបានដឹងហើយពីពិធីមង្គលការដ៏ធំសម្បើមមួយ ដោយផ្ទុះការចែករំលែក និង សរសើរក្នុងការតុបតែងបែបបុរាណខ្មែរយ៉ាងប្រណីត។ ក្នុងនោះ ពិធីមង្គលការដ៏ធំនោះ គឺបានរចនាតាមបែបប្រពៃណីទាំងពេលព្រឹក និង ល្ងាចតែម្តង។
ពិតណាស់ កម្មវិធីដ៏ធំសម្បើមយ៉ាងប្រណីតនោះដែរ ជាមង្គលការរបស់ឯកឧត្តម សុខ សប្បាយណា រដ្ឋលេខាធិកាក្រសួងមុខងារសារធារណៈ ដែលជាក្មួយប្រុសបង្កើតបស់ សម្តេចវិបុលបញ្ញា សុខ អាន រីឯកូនក្រមុំឈ្មោះ នូសុវត្ថិ ចាន់វល័ក្ខ។
យ៉ាងណាមិញ ក្រៅពីផ្ទុះការសរសើរលើការរៀបចំរោងការយ៉ាងប្រណីតតាមបែបប្រពៃណី រំលេចដោយក្បូរក្បាច់រចនាបែបខ្មែរ និង ផ្កាលម្អយ៉ាងទាក់ភ្នែកហើយនោះ ពិធីមង្គលការរបស់ឯកឧត្តម សុខ សប្បាយណា និង ឧត្តមភរិយា ក៏មានការបង្ហាញវត្តមានចូលរួមពីសំណាក់ថ្នាក់ដឹកនាំ និង អ្នកជំនួយធំៗជាច្រើនយ៉ាងអធឹកអធម។ លើសពីនោះ ពិធីមង្គលការនាពេលល្ងាចវិញ ក៏មានការចូលរួមពីសំណាក់សិល្បករ សិល្បការិនី យ៉ាងគគ្រឹកគ្រេងថែមទៀតផង៕
រូបភាព៖ The Ring Weeding Cambodia
