នៅថ្ងៃទី ៤ ខែវិច្ឆិកា ឆ្នាំ ២០២៤ នេះ ជាថ្ងៃវេលាដ៏ល្អសម្រាប់ពិធីការិនី សុភ័ក្រ្ត កុសុម៉ា និង គូដណ្ដឹងរូបសង្ហា បានរៀបចំកម្មវិធីអាពាហ៍ពិពាហ៍តាមប្រពៃណីយ៉ាងធំអធិកអធម។
ក្នុងថ្ងៃសិរីមង្គលរបស់ពិធីការិនី សុភ័ក្រ្ត កុសុម៉ា នេះដែរ បើក្រឡេកទៅមើលទិដ្ឋភាពពេលល្ងាចថ្ងៃសូត្រមន្ត និង ពេលព្រឹកនៃកម្មវិធីមង្គលជ័យវិញ គេក៏បានឃើញវត្តមានរបស់សម្ដេច ឯកឧត្តម លោកជំទាវ អ្នកមានមុខមាត់ក្នុងសង្គមជាច្រើន និង បងប្អូនសាច់ញាតិ អ្នកស្និទ្ធស្នាល ក៏ដូចជាសិល្បករ-ការិនីល្បីៗចូលរួមអបអរសាទរ ក៏ដូចជាជូនពរឱ្យដល់កូនក្រមុំកូនកំលោះ។
លើសពីនេះ បើចាប់អារម្មណ៍ពីទិដ្ឋភាពនៃការៀបចំពិធីមង្គលទាំងមូល គេឃើញមានការរៀបចំកម្មវិធីឡើងយ៉ាងប្រណីត និង មើលទៅទាំងកូនក្រមុំ កូនកំលោះ ស្រស់ស្អាតស័ក្តិសមគ្នាខ្លាំង ពេញដោយស្នាមញញឹមសុភមង្គលក្នុងថ្ងៃដ៏មានសិរីសួស្ដីនេះ ជាពិសេសកំពុងទទួលបានការសរសើរពីភាពស្រស់ស្អាតសង្ហារបស់កូនក្រមុំកូនកំលោះគ្រងឈុតប្រពៃណីដ៏ប្រណីតៗ៕
