ផ្ទុះចាប់អារម្មណ៍! វណ្ណដា បង្ហាញវត្តមានថតរូបជុំគ្នានឹងសម្តេចរាជបុត្រីព្រះអនុជ នរោត្តម អរុណរស្មី និង អ្នកអង្គម្ចាស់ នរោត្តម រស្មីខែមុន្នី

ថ្មីៗនេះ មហាជននិយមតាមដានវិស័យភាពយន្តច្បាស់ជាបានជ្រាបហើយ នៃការសម្ពោធជាផ្លូវការខ្សែភាពយន្តហូលីវូដថ្មីចំណងជើង «1660 Vine» ដែលតួឯក គឺជាអ្នកអង្គម្ចាស់ នរោត្តម រស្មីខែមុន្នី។ ក្នុងនោះដែរ អ្នកអង្គម្ចាស់ នរោត្តម រស្មីខែមុន្នី ក៏មានព្រះរាជវត្តមានក្នុងការសម្ពោធខ្សែភាពយន្តហូលីវូដដូចគ្នាដែរ។

ដោយឡែក ក្រោយពីបានសម្ពោធជាផ្លូវការខ្សែភាពយន្តហូលីវូដថ្មីចំណងជើង «1660 Vine» និង ត្រៀមចាក់បញ្ចាំងនៅតាមបណ្តារោងភាពយន្តក្នុងប្រទេសកម្ពុជានាថ្ងៃទី ១៥ ខែវិច្ឆិកា ឆ្នាំ ២០២៤ ខាងមុនេះ ស្រាប់តែអ្នកលេងបណ្តាញសង្គម Tik Tok កំពុងផ្ទុះការចាប់អារម្មណ៍ជាមួយនឹងរូបភាពប៉ុន្មានសន្លឹក ដែលមានព្រះរាជវត្តមានរបស់អ្នកអង្គម្ចាស់ នរោត្តម រស្មីខែមុន្នី និង ព្រះមាតា គឺសម្តេចរាជបុត្រីព្រះអនុជ នរោត្តម អរុណរស្មី ព្រមទាំងកំពូលតារាចម្រៀងរ៉េប វណ្ណដា ទៀតផង។

រូបភាពប៉ុន្មានសន្លឹកនោះដែរ បានធ្វើឱ្យមហាជនផ្ទុះការចាប់អារម្មណ៍ និង នាំគ្នាលើកឡើងស្រដៀងៗគ្នាថា តារាចម្រៀងរ៉េប វណ្ណដា អាចនឹងត្រៀមអ្វីពិសេសក្នុងវិស័យសិល្បៈជាមួយនឹងអ្នកអង្គម្ចាស់ នរោត្តម រស្មីខែមុន្នី មិនខាន៕