មួយរយៈក្រោយនេះ មហាជននិយមតាមដានទស្សនា MV ចម្រៀងកំពុងតែចាប់ក្រសែភ្នែកដល់តារាចម្រៀងប្រុសសំឡេងស្រទន់ ២ រូប គឺលោក ខាយ និង លោក ណូលី ដែលទើបតែបញ្ចេញវីដេអូចម្រៀងថ្មីជាបន្តបន្ទាប់។
ស្របពេលទំនុកភ្លេង និង ទំនុកច្រៀងពីរោះហើយនោះ ចំណុចពិសេសដែលលោក ខាយ និង លោក ណូលី បានធ្វើឱ្យអ្នកគាំទ្រចាប់អារម្មណ៍ពីវីដេអូចម្រៀងទៀតនោះ គឺតារាចម្រៀងប្រុសទាំង ២ បានយកគូដណ្តឹងរបស់ខ្លួន ទៅសម្តែងជាតួស្រីក្នុង MV តែម្តង។
១. លោក ខាយ
ថ្មីៗនេះ លោក ខាយ បានបញ្ចេញនូវភាពយន្តភាគខ្លីមានចំណងជើងថា «ផ្ការីកនាពេលរាត្រី» ដែលជាសាច់រឿងក្នុងបទចម្រៀង «Mascara ទឹកភ្នែក» និង បន្ថែមបទចម្រៀងថ្មីចំនួន ២ បទទៀត។ ក្នុងនោះ ភាពយន្តភាគខ្លីនេះដែរ លោក ខាយ បានយកអនាគតភរិយារបស់លោក គឺកញ្ញា មុន្នីនាថ ទៅសម្តែងទៀតផង។
២. លោក ណូលី
មិនខុសពីលោក ខាយ នោះឡើយ មួយរយៈក្រោយនេះ លោក ណូលី បានបញ្ចេញវីដេអូចម្រៀងថ្មីជាបន្តបន្ទាប់ ដោយក្នុងនោះលោកក៏បានដឹកដៃគូណ្តឹងរបស់លោក គឺកញ្ញា តាំង ម៉ីហុង ឬ Ka Ismee ចូលរួមសម្តែងផងដែរ៕
