ថ្មីៗនេះ សារព័ត៌មាន Sinchew បានរាយការណ៍ឱ្យដឹងពីករណីរបស់នារីម្នាក់ដែលដាក់តុដាក់កៅអីអង្គុយឡាយវីដេអូនៅតាមផ្លូវ ដល់ឡានជ្រុលមកបុក ស្រាប់តែនាងឆោឡោប្តឹងប៉ូលិសឱ្យចាប់អ្នកបើក ធ្វើឱ្យមហាជនហួសចិត្តនាំគ្នាវែកញែករកអ្នកខុសអ្នកត្រូវ។
តាមព័ត៌មានបានឱ្យដឹងថា ហេតុការណ៍បានកើតឡើងនៅទីក្រុង Leshan ខេត្ត Sichuan ប្រទេសចិន ដោយមាននារីម្នាក់បានយកតុយកកៅអីទៅអង្គុយឡាយវីដេអូនៅតាមចិញ្ចើមផ្លូវនៅពេលយប់ឡើង។ ហើយខណៈនាងកំពុងអង្គុយឡាយ ក៏ស្រាប់តែមានឡានមួយគ្រឿងបានជ្រុលមកកៀរនាង រួចក៏បើកគេចបាត់ដែលធ្វើឱ្យនាងភ័យឆោឡោខលទៅប្តឹងប៉ូលិស ដែលចុងក្រោយប៉ូលិសក៏ក្របួចអ្នកបើកបានសម្រេច។
យ៉ាងណាមិញ ចំពោះហេតុការណ៍មួយនេះ មានមហាជនច្រើនណាស់ដែលកើតការហួសចិត្ត ដោយមានមួយចំនួនបានយល់ឃើញថាកាលដែលនាងមកអង្គុយឡាយនៅចិញ្ចើមផ្លូវ ព្រមទាំងទីងងឹតបែបនេះ វាពិតជាមានគ្រោះថ្នាក់ណាស់ នាងពិតជាមិនចេះគិត សមគួរណាស់ហើយដែលឡានមកកៀរបែបនេះ។ ដោយឡែក សម្រាប់មួយចំនួនទៀតក៏យល់ថា យ៉ាងណាក៏ដោយអ្នកបើកឡានក៏ត្រូវតែទទួលខុសត្រូវ ព្រោះមិនយកចិត្តទុកដាក់រឿងសុវត្ថិភាពខណៈពេលបើកបរ៕
ប្រភព៖ Kapook
