កាលពីថ្ងៃទី ១៦ ខែកុម្ភៈ ឆ្នាំ ២០២៥ កន្លងទៅ តារាស្រីវ័យក្មេង Kim Sae Ron ត្រូវបានគេប្រទះឃើញដេកស្លាប់នៅក្នុងផ្ទះតែម្នាក់ ដែលបង្កឱ្យមានការភ្ញាក់ផ្អើលជាខ្លាំង។
ដោយឡែក សម្រាប់មូលហេតុនៃការស្លាប់របស់នាង មិនទាន់មានការបញ្ជាក់នៅឡើយទេ តែគេបានឱ្យដឹងថាមិនមានស្លាកស្នាមបង្ហាញពីករណីឃាតកម្មឡើយ។ យ៉ាងណាមិញ បើក្រឡេកមកមើលប្រវត្តិរបស់នាងវិញ Kim Sae Ron បានចូលក្នុងសិល្បៈតាំងពីអាយុ ៩ ឆ្នាំមកម្ល៉េះ ដែលនាងក៏បានបន្តលេចមុខនៅក្នុងរឿងភាគ ក៏ដូចជាខ្សែភាពយន្តរបស់កូរ៉េមិនតិចឡើយ។
មកដល់ឆ្នាំ ២០២២ នាងបានបង្កករណីស្រវឹងបើកបរ ដោយនាងបានជ្រុលទៅបុកបង្គោលភ្លើង ហើយនាងត្រូវបានគេពិន័យជាប្រាក់ ២០ លានវ៉ុន។ នាងបានឆ្លៀតទៅធ្វើការនៅហាងកាហ្វេ ដើម្បីយកប្រាក់មកបង់ថ្លៃពិន័យ តែយ៉ាងណាក៏ដោយនាងត្រូវមហាជននាំគ្នារិះគន់យ៉ាងចាស់ដៃ ជាហេតុធ្វើឱ្យនាងបាត់មុខពីសិល្បៈមួយរយៈធំ។
លុះមកដល់ឆ្នាំ ២០២៤ នាងក៏ត្រូវបានមហាជនរិះគន់ម្តងទៀត ក្រោយពីនាងបានផុសរូបស្និទ្ធស្នាលមួយសន្លឹកជាមួយនឹងតារាប្រុស Kim Soo Hyun នៅក្នុងបណ្តាញ IG របស់ខ្លួន។ យ៉ាងណាមិញ នៅក្នុងឆ្នាំ ២០២៥ នេះ គឺជាឆ្នាំចុងក្រោយរបស់នាង ដែលនាងត្រូវបានគេប្រទះឃើញដេកស្លាប់នៅក្នុងផ្ទះតែម្នាក់ឯង ដែលករណីការស្លាប់របស់នាង កំពុងតែត្រូវប៉ូលិសធ្វើការស៊ើបអង្កេត៕
ប្រភព៖ Sanook
