ថ្មីៗនេះ អ្នកលេងបណ្តាញសង្គមហ្វេសប៊ុក ជាពិសេស អ្នកនៅក្នុងរង្វង់សិល្បៈច្បាស់ជាបានជ្រាបខ្លះមកហើយ ពីអ្នកដឹកនាំម្នាក់ ដែលត្រូវបានអ្នកនៅក្នុងវិស័យកុន បានទម្លាយថា កិបកេងប្រាក់កាក់។ លើសពីនោះ អ្នកដឹកនាំរូបនោះ ក៏ត្រូវបានអ្នកសិល្បៈមួយចំនួន ចេញមុខមកទទួលរងការបៀតបៀនទៀតផង។
ជុំវិញរឿងរ៉ាវខាងលើ ងាកទៅកាន់តារាស្រី ខន សូរិយា បើទោះជាមិនទទួលរងការបៀតបៀន ប៉ុន្តែក៏ជាអ្នករងគ្រោះដូចគ្នាដែរ ដោយនាងត្រូវបានអ្នកដឹកនាំរូបនោះ ជួលផ្ទះដើម្បីថត ប៉ុន្តែមិនទទួលបានប្រាក់កម្រៃ។ ម្យ៉ាងវិញទៀត ក្រោយបែកធ្លាយរឿងមានការបៀតបៀនទៀតនោះ កញ្ញា ខន សូរិយា ក៏មានជនរងគ្រោះជាច្រើន បានឆាតមកប្រាប់នាង ពីការបៀតបៀនពីអ្នកដឹកនាំរូបនោះ។
ថ្មីៗនេះ កញ្ញា ខន សូរិយា បានបង្ហោះវីដេអូនៅលើ Tik Tok រៀបរាប់ពីដំណើរដើមទង ថាមូលហេតុអ្វី បានជានាងឈឺឆ្អាលលើរឿងនេះ។ មិនត្រឹមតែប៉ុណ្ណោះ តារាស្រីខាងលើ ក៏បានរៀបរាប់ពីទង្វើរបស់អ្នកដឹកនាំរូបនោះ ដោយទទួលបានពីជនរងគ្រោះជាច្រើន ដោយរឿងមួយចំនួនស្រដៀងៗគ្នា៕
សូមចុចទីនេះ ដើម្បីទស្សនាវីដេអូ៖
