តារាម៉ូឌែលស្រី នាង Lucy Markovic ចាប់ផ្តើមទទួលបានភាពល្បីល្បាញខ្លាំងនៅក្នុងកម្មវិធីប្រកួតម៉ូឌែល Next Top Model 2015។ ក្រោយមកនាងបានដើរម៉ូដឱ្យម៉ាកអន្តរជាតិល្បីៗដូចជា Armani និង Versace ជាដើម។ កំពុងមានប្រជាប្រិភាព និង មានទីផ្សារខ្ពស់ពីប្រ៊េនហ្វេហ្សិនសុទ្ធតែលំដាប់ ថ្មីៗនេះ សារព័ត៌មានអន្តរជាច្រើនបានប្រកាសថា នាងបានទទួលមរណភាពក្នុងវ័យ ២៧ ឆ្នាំ កាលពីដើមខែមេសា។
ទីភ្នាក់ងារគ្រប់គ្រងម៉ូឌែល Elite Model Management ដែល Lucy Markovic ធ្វើការ ក៏បានប្រកាសពីការស្លាប់របស់នាង ដោយនិយាយថា មូលហេតុនៃការស្លាប់ គឺដោយសារនាងប្រឈមនឹងជំងឺខួរក្បាលដ៏កម្រមួយ។ ខាងភ្នាក់ងារបានបន្ថែមទៀតថា ការធ្វើម៉ូឌែលគឺជាក្តីសុបិនមួយរបស់ Lucy Markovic ហើយពួកគេពិតជាមានកិត្តិយសយ៉ាងខ្លាំង ដែលបានក្លាយជាផ្នែកមួយនៃដំណើរអាជីពរបស់នាង។ នាងបាននាំមកនូវភាពឆើតឆាយ ភាពរឹងមាំ និង ភាពស្រស់ស្អាតដល់ការងារ។
តារាម៉ូឌែលស្រី Lucy Markovic បានចូលប្រកួតកម្មវិធី Australia’s Next Top Model ក្នុងរដូវកាលពី ៩ និង ទទួលបានតំណែងរង។ នាងបានបន្តបោះជំហានលើអាជីពបង្ហាញម៉ូដដ៏ជោគជ័យ ដោយបានបង្ហាញខ្លួននៅក្នុងយុទ្ធនាការសម្រាប់ម៉ាកល្បីៗដូចជា Versace និង Victoria Beckham និង ដើរបង្ហាញម៉ូដសម្រាប់ម៉ាក Oscar de la Renta, Bulgari, Givenchy និង Dolce & Gabbana រួមទាំងម៉ាកជាច្រើនទៀត។ នាងក៏បានបង្ហាញខ្លួននៅក្នុងទស្សនាវដ្តីលំដាប់ខ្ពស់ជាច្រើន បូករួមទាំងទស្សនាវដ្តីល្បីជាសកល Marie Claire និង Vogue៕
ប្រភព៖ CNN
