មហាជនតាមដានពី អ្នកនាង សួស វីសារ និង ស្វាមី គឺលោក ថមមី ច្បាស់ជាបានជ្រាបមកហើយ ពីដំណើរកម្សាន្តទៅកាន់ប្រទេសបារាំងលក្ខណៈគ្រួសាររបស់តារាប្រុសស្រី ១ គូ នេះ។
ក្នុងនោះដែរ ការធ្វើដំណើរទៅកាន់ប្រទេសបារាំងលក្ខណៈធំលើកនេះ អ្នកនាង សួស វីសារ និង លោក ថមមី បានរៀបចំឡើងក្នុងឱកាសអបអរថ្ងៃកំណើតគម្រប់ ៥ ឆ្នាំ របស់កូនស្រីច្បង គឺអូន ចេននី ផងដែរ ដោយនាងតូចមានថ្ងៃកំណើតនៅថ្ងៃទី ០៩ ខែតុលា ឆ្នាំ ២០២៥ នេះ។
យ៉ាងណាមិញ ស្របពេលដំណើរកម្សាន្តបានរៀបចំជាលក្ខណៈគ្រួសារក្តី ក៏ប៉ុន្តែមិនបានជួបជុំគ្នាគ្រប់សមាជិកនោះឡើយ ខណៈអវត្តមានអ្នកម្តាយរបស់ លោក ថមមី ដោយអ្នកម្តាយរបស់លោកបានលាចាកលោកហើយនោះ។ ក្នុងនោះ អ្វីដែលធ្វើឱ្យដំណើរកម្សាន្តនេះហាក់ក្តុកក្តួលបន្តិចនោះ ក៏ព្រោះលោក ថមមី បានត្រឹមកាន់រូបថតអ្នកម្តាយ ថតរូបជុំគ្រួសារ។
ដោយឡែក ក្រឡេកទៅមើលអ្នកនាង សួស វីសារ ឯណោះវិញ ក្រោយឃើញស្វាមី បានត្រឹមកាន់រូបថតអ្នកម្តាយនោះ អ្នកនាងក៏បានបង្ហោះសារមួយថា៖ «កុំយំអីបង ទោះម្តាយបងមកជាមួយពួកយេីងបានត្រឹមតែរូបថត តែគាត់ស្ថិតក្នុងបេះដូងរបស់ពួកយេីងជានិច្ច។ គាត់ពិតជាសប្បយចិត្ត ពេលដែលឃេីញកូនប្រុសរបស់គាត់ស្រលាញ់ម្តាយគាត់ខ្លាំងយ៉ាងនេះ។ សូមដួងព្រលឹងម៉ែក្មេក តាមថែរក្សាកូនចៅផង សូមឱ្យកូនចៅសុខសប្បាយ និង ជួបតែរឿងល្អៗផង។ សុំទោស ដែលធ្វេីឱ្យដំណេីរកម្សាន្តមួយនេះបែរទៅជាសោះកក្រោះ»៕
