មហាជននៅប្រទេសចិនកំពុងមានការស្លុតចិត្តទៅលើគ្រួសារមួយ ដែលបានស្លាប់ទាំងអស់គ្នា ដោយកូនស្រីបានលោតពីលើអគារសម្លាប់ខ្លួន ព្រោះតែតូចចិត្តរឿងឪពុកម្តាយបន្ទោសរឿងប្រឡងមិនបានពិន្ទុពេញ ចុងក្រោយឪពុកម្តាយទទួលយកមិនបានក៏លោតទៅតាមកូនទាំងពីរនាក់។
តាមព័ត៌មានបានឱ្យដឹងថា គ្រួសារមួយនេះមានសមាជិក ៣ នាក់ គឺឪពុកម្តាយ និង កូនស្រីម្នាក់ដែលកំពុងរៀនថ្នាក់ទី ៥ ។ អ្នកទាំង ៣ ត្រូវបានគេប្រទះឃើញដេកស្លាប់យ៉ាងរន្ធត់នៅក្រោមអគារស្នាក់នៅរបស់ខ្លួនកាលថ្ងៃទី ១៤ ខែមករា ឆ្នាំ ២០២៥ កន្លងទៅនេះ។ ក្នុងនោះដែរ មានការចែកចាយមូលហេតុថា ឪពុកម្តាយទាំងគូបានបន្ទោសកូនស្រីរឿងនាងប្រឡងមិនបានពិន្ទុពេញ ធ្វើឱ្យនាងអន់ចិត្តហើយក៏បានទៅលោតសម្លាប់ខ្លួនពីលើអគារស្នាក់នៅនោះ ចំណែកឯឪពុកម្តាយឃើញបែបនេះហើយទទួលយកមិនបាន ក៏បានលោតសម្លាប់ខ្លួនទៅតាមកូនតែម្តង។
យ៉ាងណាមិញ ខាងប៉ូលិសនៅមិនទាន់បានចេញមុខមកបញ្ចេញពីមូលហេតុពិតនៅឡើយទេ តែរឿងនេះក៏ត្រូវបានមហាជននាំគ្នាចែកចាយពាសពេញបណ្តាញសង្គមដោយក្តីអាណិត និង តក់ស្លុតបំផុត៕
ប្រភព៖ Kapook
