ក្នុងព្រឹត្តិការណ៍ដ៏ធំរបស់គ្រឿងអលង្ការប្រ៊េនល្បី Bulgari លើទឹកដីសៀមរាបទីតាំងប្រាសាទបាយ័ន ថ្ងៃទី ២១ ខែកុម្ភៈ ឆ្នាំ ២០២៥ នេះ ក្រៅពីកំពូលតារាល្បីៗមកពីបណ្ដាប្រទេសផ្សេងៗ ក៏ឃើញមានវត្តមានរបស់តារាល្បីៗរបស់កម្ពុជា ជាពិសេសបុគ្គលល្បីអ្នកមានមុខមាត់ក្នុងសង្គម និង អភិជនជាន់ខ្ពស់ បង្ហាញវត្តមានចូលរួមកម្មវិធីនេះដែរ។
ក្នុងនោះ បើចាប់អារម្មណ៍ពីស្រីស្អាត លីនដា ដែលត្រូវបានគេស្គាល់ជាកូនស្រីអភិជនជាន់ខ្ពស់ក្នុងជួរមន្ត្រីរាជការ ក៏បានបង្ហាញវត្តមានចូលរួមក្នុងកម្មវិធី Bulgari លើទឹកដីសៀមរាបនេះដែរ ដោយកំពុងផ្ទុះសរសើរពីសម្រស់ដ៏ស្រស់ស្អាតរបស់នាងក្នុងឈុតដ៏ប្រណីតរចនារំលេចនូវក្បាច់ខ្មែរ ព្រមជាមួយគ្រឿងអលង្ការតម្លៃកប់ពពកពិតជាលេចធ្លោខ្លាំង។
អ្វីកាន់តែចាប់អារម្មណ៍ទៀត តាមរយៈការចែករំលែកនូវសកម្មភាពរបស់វត្តមានកូនស្រីអភិជនជាន់ខ្ពស់ លីនដា ក្នុងព្រឹត្តការណ៍នេះ ឃើញថាវីដេអូមួយកំពុងផ្ទុះចាប់អារម្មណ៍ខ្លាំង ក្រោយពីបានឃើញកូនស្រីអភិជនរូបនេះ បានជួបនិយាយជាមួយកំពូលតារាស្រីថៃ Mai Davikah និង ថតរូបជាមួយគ្នាយ៉ាងស្និទ្ធស្នាលពេញដោយស្នាមញញឹម ដែលមើលទៅសម្រស់របស់កញ្ញា លីនដា លេចធ្លោខ្លាំងប្រជែងគ្នានឹងកំពូលតារាល្បីនៅក្នុងកម្មវិធី៕
សូមចុចទីនេះដើម្បីទស្សនាវីដេអូ៖
