ក្រោយពីវិលត្រឡប់ទៅសហរដ្ឋអាមេរិកវិញបានប្រមាណជាងកន្លះឆ្នាំហើយនោះ កាលពីថ្ងៃទី ១៩ ខែមីនា ឆ្នាំ ២០២៥ កន្លងទៅនេះ តារាចម្រៀងរ៉េបលោក ខ្មែរមួយជីវិត បានវិលត្រឡប់មកកម្ពុជាជាថ្មីម្តងទៀតហើយ។
ក្នុងនោះ គ្រាន់តែមកដល់កម្ពុជាភ្លាម តារាចម្រៀងរ៉េបរៀមច្បងរូបនេះ ក៏មិនបង្អង់ដូចគ្នាដែរ ក៏បានទម្លាក់បទចម្រៀងថ្មីកាលពីថ្ងៃទី ២០ ខែមីនា ឆ្នាំ ២០២៥ កន្លងទៅ ដោយមានចំណងជើងថា «ចចក»។ លើសពីនោះ លោកក៏ត្រៀមបង្ហាញវត្តមានក្នុងការសម្តែងជាបន្តបន្ទាប់ទៀតផង។
ដោយឡែក ការមកដល់ប្រទេសកម្ពុជាលើកនេះ ក៏មិនខុសពីមុនៗនោះឡើយ លោក ខ្មែរមួយជីវិត ទទួលបានភាពកក់ក្តៅយ៉ាងខ្លាំងពីសំណាក់អ្នកគាំទ្រ ជាពិសេស សិស្សប្អូនក្នុងវិស័យចម្រៀងរ៉េប ។ ក្នុងនោះ គេបានឃើញ លោក Kwan បានទៅទទួលលោកនៅព្រលានយន្តហោះ រីឯលោក ទេព ពិសិដ្ឋ និង លោក NPN ក៏បានទៅជួបរៀមច្បងរូបនេះដល់ផ្ទះភ្លាមមិនបង្អង់យូរឡើយ៕
