អ្នកគាំទ្រតារាប្រុស Rainnie Dara ច្បាស់ជាបានជ្រាបមកហើយ ពីប្រជាប្រិយភាពនៅក្នុងវិស័យសិល្បៈរបស់លោក មិនថាតែការសម្តែង ការដើរបង្ហាញម៉ូដ និង ការបង្កើតមាតិកាផ្សេងៗនោះឡើយ។ លើសពីនោះ ក្រឡេកទៅមើលការរកស៊ីបើកហាងលក់សម្លៀកបំពាក់ កាបូប និង របស់របរផ្សេងៗវិញនោះ ក៏ទទទួលបានការគាំទ្រពីសំណាក់អតិថិជនដូចគ្នា។
ដោយឡែក ស្របពេលការងារ និង ការរកស៊ីកំពុងដំណើរការយ៉ាងរលូន ប៉ុន្តែក្រឡេកមកមើលបញ្ហាបេះដូង ពោលគឺរឿងរ៉ាវស្នេហារបស់លោក Rainnie Dara ហាក់មិនជោគជ័យឡើយ ខណៈមួយរយៈក្រោយតារាប្រុសរូបនេះ តែងបង្ហាញពីការឈឺចាប់នៃការបែកបាក់ជាមួយនឹងសង្សារ។
ជាការពិត មិនថាតែក្នុងបណ្តាញសង្គម Tik Tok និង ហ្វេសប៊ុកនោះឡើយ លោក Rainnie Dara តែងបង្ហាញពីអារម្មណ៍ឈឺចាប់ រហូតពេលខ្លះស្រក់ទឹកភ្នែកមិនអៀនខ្មាស ក្នុងការបង្ហាញ ថាលោកនៅស្រឡាញ់អតីតសង្សារជានិច្ច។
ជាក់ស្តែង នៅថ្ងៃទី ០៧ ខែតុលា ឆ្នាំ ២០២៥ កន្លងទៅនេះ លោក Rannie Dara បានបង្ហោះរូបភាព អមនឹងសារជាថ្មីថា៖ «ពេលខ្លះ មានលុយ មានអ្វីៗ គ្រប់យ៉ាង មិនប្រាកដថា មានក្តីសុខទេ! ដូចខ្ញុំឥឡូវនេះ នៅពេល ដែលឃើញគូគេមានភាពផ្អែមល្ហែមដោយទាំងគេគ្មានអ្វីទាំងអស់ ប៉ុន្តែគេមានក្តីសុខ ខ្ញុំមិនច្រណែនទេ ប៉ុន្តែខ្ញុំគ្រាន់តែសង្ឃឹមថា ខ្ញុំនឹងរកបានមនុស្សម្នាក់ ដែលស្រឡាញ់ខ្ញុំជាខ្ញុំនៅថ្ងៃណាមួយ។ គ្រប់អនុស្សាវរីយ៍ទាំងអស់ វាពិតជានៅដិតដាមជាប់ខ្ញុំក្នុងបេះដូងខ្ញុំរហូតមក! សុំទោស ដែលខ្ញុំនៅតែស្រឡាញ់អ្នក»៕
