ពិតជាធ្វើឱ្យមហាជននៅតាមបណ្តាញសង្គមផ្ទុះការអាណិតអាសូរខ្លាំងណាស់ ទៅលើករណីអ្នកលក់អនឡាញដ៏ល្បីមួយរូបនៅប្រទេសឡាវ ដែលបានស្លាប់នៅក្នុងអគ្គិភ័យក្នុងផ្ទះវីឡាខ្លួនឯង ទាំងអាយុនៅវ័យក្មេង។
ហេតុការណ៍អគ្គិភ័យនេះ បានកើតឡើងកាលពីថ្ងៃទី ២៥ ខែកុម្ភៈ ឆ្នាំ ២០២៥ កន្លងទៅនេះ ដែលវីឡាខាងលើត្រូវបានឆាបឆេះស្ទើរទាំងស្រុង និង បណ្តាលឱ្យម្ចាស់ផ្ទះដែលមានឈ្មោះថា Wilaikham វ័យ ៣១ បានស្លាប់បាត់បង់ជីវិតនៅជាន់ទីពីរ រីឯស្វាមីរបស់នាងបានគេចចេញរួចដោយសុវត្ថិភាព។
អ្វីដែលធ្វើឱ្យមហាជនកាន់តែនាំគ្នាអាណិតនោះ គឺប្រវត្តិការតស៊ូរបស់ Wilaikham ជាមួយនឹងប្តី ដែលពួតកម្លាំងគ្នាខំរកស៊ីតាំងពីបាតដៃទទេ រហូតបានក្លាយទៅជាអ្នកជំនួញអនឡាញដ៏ល្បី ដែលមានប្រ៊េនផ្ទាល់ខ្លួនឯង។ លើសពីនេះទៅទៀត ផ្ទះវីឡាមួយខ្នងនេះហើយ ដែលសមិទ្ធិផលនៃកម្លាំងញើសឈាមរបស់អ្នកទាំងពីរ។ ក្នុងនោះ វីឡាមួយខ្នងនេះ អ្នកទាំងពីរទើបតែបានឡើងនៅកាលពីឆ្នាំ ២០២២ កន្លងទៅប៉ុណ្ណោះ តែជាអកុសលក៏ត្រូវឆេះអស់ ហើយប្រពន្ធក៏ត្រូវអស់ជីវិតទៅជាមួយផ្ទះទៀត៕
ប្រភព៖ Kapook
