នៅរសៀលថ្ងៃទី ១២ ខែវិច្ឆិកា ឆ្នាំ ២០២៥ នេះ តាមរយៈព័ត៌មានដែលទទួលបានពីរដ្ឋមន្ត្រីក្រសួងព័ត៌មានបានឱ្យដឹងថា ទាហានថៃបានប្រើកាំភ្លើងបាញ់ប្រហារចូលដែនអធិបតេយ្យកម្ពុជា បណ្ដាលឱ្យពលរដ្ឋមួយចំនួនរងរបួសនៅភូមិព្រៃចាន់។

បើតាមប្រភពព័ត៌មានដែលយោងតាម លោក អ៊ុំ រាត្រី អភិបាលខេត្តបន្ទាយមានជ័យវិញ បានប្រាប់បណ្ដាញព័ត៌មានក្នុងស្រុកមួយនៅមុននេះបន្ដិចថា នាវេលាម៉ោងជិត ៤ រសៀល ថ្ងៃទី ១២ ខែវិច្ឆិកា ឆ្នាំ ២០២៥ នេះ ទាហានថៃបានប្រើប្រាស់កាំភ្លើងបាញ់ប្រហារចូលដែនអធិបតេយ្យកម្ពុជា បណ្ដាលឱ្យពលរដ្ឋកម្ពុជាចំនួន ៥ នាក់រងរបួស ក្នុងភូមិសាស្ដ្រភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ៕

